21.05.2013 16:54
Vísitala neysluverðs hækkaði þvert á spár greiningaraðila í apríl og teljum við að vísitalan muni standa óbreytt milli mánaða í maí sem þýðir að ársverðbólga verður áfram 3,3%. Gengi krónunnar hefur veikst um 2% frá því Hagstofa Íslands mældi verðlag í apríl og hélt sú veiking aftur af lækkunum í mælingu VNV í síðustu viku. Til að slá á verðbólguvæntingar verður Seðlabankinn að sýna það í verki að hann muni sveiflujafna gengi krónunnar.
Nánar15.05.2013 17:04
Peningastefnunefnd ákvað á vaxtaákvörðunarfundi sínum í morgun að halda stýrivöxtum óbreyttum. Ákvörðunin sem slík kom ekki á óvart enda gerðu greiningaraðilar ráð fyrir óbreyttum vöxtum, hins vegar voru áhugaverð skilaboð sem birtust í yfirlýsingu peningastefnunefndar um fyrirætlanir Seðlabankans á gjaldeyrismarkaði.
Nánar10.05.2013 13:57
Greiðsluuppgjör ríkissjóðs fyrir fyrsta fjórðung ársins kom töluvert verr út en gert hafði verið ráð fyrir. Ríkissjóður skilaði neikvæðri afkomu um 7,5 milljarða króna, en handbært fé frá rekstri var neikvætt um 11 milljarða. Áætlað var að handbært fé yrði jákvætt um 4,7 ma.kr. á tímabilinu, en það merkir að útkoman er tæpum 16 mö. verri en áætlað var. Afkoman er jafnframt töluvert verri en verið hefur undanfarin tvö ár. Við spáum óbreyttum vöxtum við næstu vaxtaákvörðun peningastefnunefndar. Það sem vegur þyngst í mati okkar er hversu háir raunvextir Seðlabankans eru orðnir, eða 2% í kjölfar birtingar vísitölu neysluverðs fyrir apríl.
Nánar02.05.2013 13:38
Óverðtryggði ríkisbréfaflokkurinn RIKB 13 0517 fellur á gjalddaga í maí en hann var að mestu í eigu erlendra aðila í lok mars. Gjalddaginn nemur 78 mö.kr. og þurfa erlendir eigendur flokksins að koma um 66 mö.kr. af þeirri upphæð í aðra ávöxtun. Við teljum líklegt að þeir verði áfram stórir þátttakendur í RIKB 15 0408 útboðum Lánamála ríkisins (sem sjá um útgáfu ríkissjóðs), sem dugir þó ekki til. Við teljum að eftir standi að erlendir aðilar þurfa að koma að lágmarki 18 mö.kr. í ávöxtun með öðrum leiðum en útboðum.
Nánar29.04.2013 15:03
Við spáum óbreyttum vöxtum við næstu vaxtaákvörðun peningastefnunefndar. Það sem vegur þyngst í mati okkar er hversu háir raunvextir Seðlabankans eru orðnir, eða 2% í kjölfar birtingar vísitölu neysluverðs fyrir apríl. Verðlag hækkaði um 0,2% í apríl en við höfðum spáð engri breytingu. Aðrir greiningaraðilar höfðu spáð 0,2% til 0,1% lækkun. Á síðustu tólf mánuðum er verðbólga um 3,3% og lækkar því úr 3,9% frá því í mars.
Nánar19.04.2013 16:24
Skýrsla starfshóps um framtíðarhorfur og framtíðarhlutverk Íbúðalánasjóðs var birt á þriðjudag. Að okkar mati svarar skýrslan litlu um hvernig lagfæra skuli vanda Íls; uppgreiðsluáhættu, útlánaáhættu og rekstraráhættu, en þó var hlutverk hópsins að gera tillögur með það að markmiði að rekstur sjóðsins geti staðið undir sér. Þá sárvantar meiri talnagreiningu og efnislegan rökstuðning í skýrsluna.
Nánar17.04.2013 11:10
Greiningardeild kynnti í morgun efnahagshorfur fyrir árin 2013-2015. Jafnframt var farið yfir afnám hafta og freistast til að svara þeirri spurningu er afnám hafta fjarlægur draumur eða nálægur veruleiki?
Nánar16.04.2013 15:39
Skuldsetning ríkissjóðs jókst verulega í kjölfar hrunsins og fór úr 311 ma.kr. í árslok 2007 (eða sem nemur 24% af VLF) í 1500 ma.kr. sem samsvarar 87% af landsframleiðslu (VLF). Skuldirnir eru þó hærri ef meðtaldar eru áfallnar lífeyrisskuldbindingar, eða um 1740 ma.kr. (110% af VLF). Almennt hafa rannsóknir sýnt að skuldsetning ríkis yfir 90% af landsframleiðslu er til þess fallin að draga úr hagvexti m.a. vegna þess að svo há skuldsetning kallar á niðurskurð af hálfu ríkisins til að standa straum af þungri greiðslubyrði eða háa skattheimtu. Hér er hins vegar horft til brúttó skulda en rétt er að hafa í huga að gjaldeyrisforðinn er allur tekinn að láni og því liggja eignir þar á bakvið, nettó skuldir ríkissjóðs eru því lægri. Raunhagkerfið er enn afar veikt og óvissa ríkir um heilsu þess. Ef fram fer sem horfir þá er útlit fyrir að hér verði lítill hagvöxtur í skjóli hafta, en slíkt mun hafa áhrif á afkomu ríkissjóðs. A.m.k. er ljóst að í dag er svigrúm ríkissjóðs til frekari skuldsetningar afar takmarkað.
Nánar15.04.2013 14:45
Í kjölfar lítillar hækkunar í mars á vísitölu neysluverðs (VNV) og umtalsverðrar styrkingar krónunnar frá því í janúar teljum við að engin hækkun hafi verið í VNV milli mars og apríl. Ef spá okkar raungerist mun tólf mánaða verðbólga fara úr 3,9% í 3,2%. Hvort sem miðað er við lok janúar eða miðjan febrúar síðastliðinn má sjá að styrking krónunnar hefur verið veruleg og kom hún fram í mælingu VNV fyrir mars og mun að okkar mati gera áfram í apríl og á næstu mánuðum. Bráðabirgðaspá okkar fyrir næstu mánuði bendir til þess að það verði engin verðbólga í maí, 0,3% hækkun í júní og 0,6% lækkun í júlí. Gangi bráðabirgðaspá okkar eftir mun ársverðbólga mælast 3% í júlí.
Nánar12.04.2013 11:11
Virði skilyrta bréfsins sem nýji Landsbankinn mun gefa út til þrotabús gamla Landsbankans verður 92 ma.kr. sem er sú hámarksupphæð sem virði bréfsins hefði getað orðið. Engar breytingar eru gerðar á endurgreiðslum frá því sem samið var um árið 2009. Að okkar mati eru hér engin óvænt tíðindi, útlit var fyrir að skuldabréfið yrði í kringum hámark og sem dæmi hafði virði bréfsins hækkað jafnt og þétt í bókum Nýja Landsbankans á síðustu misserum.
Nánar