Arion banki kíkir inn í framtíðina í tilefni af HönnunarMars
Hvernig verður næsti áratugur? Hvernig ætlum við að búa í heimi þar sem krafan um sjálfbærni er alltaf að verða háværari? Hvernig ætlum við að búa á öðrum hnetti?
Þessum spurningum m.a. ætlum við að velta fyrir okkur á hádegisfundi með góðum gestum frá New York, Madrid, Reykjavík og Osló, sjá dagskrá hér neðar.
Fundurinn verður haldinn í höfuðstöðvum Arion banka, Borgartúni 19, föstudaginn 29. mars kl. 11:30 - 13:15.
Boðið verður upp á léttan hádegisverð að fundi loknum.
Skráning
Dagskrá
11.30 Fundarstjóri setur fundinn
Fundarstjóri |
|
HLÍN HELGA GUÐLAUGSDÓTTIR, dagskrárstjóri DesignTalks og ráðgjafi hjá Capacent Hlín er hönnuður, sýningastjóri og ráðgjafi í hönnunarhugsun hjá Norræna ráðgjafafyrirtækinu Capacent. Hún er upplifunarhönnuður með áralanga reynslu af skapandi þverfaglegri teymisvinnu sem byggir á hönnunarhugsun og hefur sérhæft sig í notendamiðaðri hönnun og framtíðarrýni. |
Fyrirlesarar |
|
|
HELGA JÓSEPSDÓTTIR, vöruhönnuður og framtíðarráðgjafi Helga er vöruhönnuður og framtíðarráðgjafi hjá Fast Forward fyrirtækinu í Madrid. Þar ráðleggur hún stórum fyrirtækjum og ríkisstjórnum hvernig þau ná að verða frumkvöðlar í fremstu röð á öllum sviðum. Helga hefur unnið með fyrirtækjum eins og IKEA, Space 10, Vitra Design Museum, NASA, Youtube og Airbus. |
KRISTIAN EDWARDS, arkitekt og yfirhönnuður hjá Snøhetta Kristian Edwards er yfirhönnuður hjá hinni margverðlaunuðu arkitektastofu Snøhetta. Hann hefur tekið þátt í byltingarkenndum verkefnum í samstarfi við rannsóknarsetrið ZEB og var lykilmaður í verðlaunaverkefni stofunnar: Svart. Það er hótel staðsett við rætur Svartisen jökulsins í Lofoten, sem er fyrsta byggingin á norðurhveli sem framleiðir meira rafmagn en hún notar. |
|
MICHAEL MORRIS, arkitekt og einn aðaleigandi Morris Sato Studio Architecture og SEArch+ Michael Morris hefur það að meginmarkmiði að hanna arkitektónískar lausnir sem auðvelda fólki rannsóknir og búsetu í geimnum. Meðal núverandi samstarfsverkefna SEArch+ er Mars Ice Home með Langley rannsóknarsetri NASA og new Environmental Control Life Support Systems fyrir allar geimflaugar framtíðarinnar með United Technological Aerospace Systems. |
12.30-13.15 Léttar veitingar
Arion banki hefur undanfarin ár verið stoltur samstarfsaðili Hönnunarmiðstöðvar og HönnunarMars.