Arion banki fjárhagslegur bakhjarl forsetalista HR

Arion banki fjárhagslegur bakhjarl forsetalista HR

Arion banki fjárhagslegur bakhjarl forsetalista HR - mynd

Forsetalisti Háskólans í Reykjavík verður kostaður af Arion banka næstu þrjú árin samkvæmt samstarfssamningi sem Ari Kristinn Jónsson, rektor HR, og Benedikt Gíslason, bankastjóri Arion banka, undirrituðu í HR í dag. Á forsetalista HR komast þeir nemendur sem ná bestum námsárangri á hverri önn.

Markmiðið með forsetalista HR er að hvetja nemendur sem ná framúrskarandi árangri í námi til dáða og vekja athygli á árangri þeirra. Nemendur á forsetalista hljóta styrk sem nemur skólagjöldum einnar annar. Auk þess er mikill heiður fólginn í því að komast á slíkan lista og getur viðurkenningin til dæmis skipt máli þegar sótt er um framhaldsnám eða atvinnu. Arion banki mun samkvæmt samningnum kosta styrki til nemenda á forsetalistanum næstu þrjú árin en samtals nemur verðmæti samningsins 45 milljónum króna.

Ari Kristinn Jónsson, rektor HR, sagði við undirritunina að samningurinn sé í takti við áherslur HR á gæði náms og náin tengsl við atvinnulífið. „Að ljúka háskólanámi í hæsta gæðaflokki er ein besta undirstaða sem einstaklingur hefur fyrir þátttöku í atvinnulífi og samfélagi. Í HR leggjum við því mikla áherslu á að hvetja nemendur til að sinna námi sínu sem allra best. Forsetalistinn gegnir þar lykilhlutverki og því er það sérstaklega ánægjulegt að fá stuðning Arion banka um leið og samningurinn styrkir tengingar HR við atvinnulífið enn frekar.“

Benedikt Gíslason, bankastjóri Arion banka, sagði „Á forsetalista HR er ungt og kraftmikið fólk sem mun gegna lykilhlutverki við að skapa framtíð okkar samfélags. Það er okkur mikil ánægja að geta stutt efnilega nemendur Háskólans í Reykjavík og hvatt þá til dáða með þessum hætti. Við hlökkum til samstarfsins.“

 

23. júní 2020

Grænn vöxtur Arion banka

Viðskiptavinum Arion banka býðst nú að leggja sparnað sinn inn á vistvænan innlánsreikning sem...

31. janúar 2020

Ráðstefna Euromoney í London

Snædís Ögn Flosadóttir, rekstrarstjóri Lífeyrisauka tók þátt í pallborðsumræðum á ráðstefnu...

31. janúar 2020

Hreyfiafl til góðra verka

Arion banki er aðili að nýjum reglum Sameinuðu þjóðanna um ábyrga bankastarfsemi sem styður við...

31. janúar 2020

Ábyrgar fjárfestingar

Hjá mörgum ríkir um það þegjandi en skýrt samkomulag að þátttaka í fjárfestingum sem augljóslega eru...