Endurgreiðslan nær yfir allar tryggingar fjölskyldunnar að meðtöldum opinberum gjöldum (þar á meðal líf-, sjúkdóma- og barnatryggingar).

Dæmi um tryggingar eru fasteignin, blíllinn, fjölskyldan, líf- og heilsutryggingar, gæludýr, o.fl.

Tryggingar vegna fyrirtækja og annarra lögaðila (ríki, sveitarfélög og félagasamtök) falla ekki undir endurgreiðsluna.

Sjá nánar um tryggingar heimilisins á vefsíðu Varðar. 

Þú missir af endurgreiðslunni ef þú hættir að uppfylla eitthvað af eftirfarandi skilyrðum innan endurgreiðslu tímabilsins:

• Ert í Arion fríðindum 
• Virk Heimilisvernd  
• Tjónleysi á endurgreiðslutímabili 
• Endurnýjun Heimilisverndar fyrir næsta tímabil 

Greiðsla miðast við endurnýjunardagsetningu Heimilisverndar og greiðist hún einum mánuði eftir að endurnýjun á sér stað (5. hvers mánaðar).

Dæmi: Þú uppfylltir öll skilyrði um endurgreiðslu og endurnýjaðir Heimilisverndina 1. nóvember 2024. Endurgreiðsludagsetning er þá 5. desember 2024.

Endurgreiðslan er ákveðin prósenta af þeirri upphæð sem þú gefur greitt í tryggingar á tímabilinu.

Endurgreiðsluprósentan fer eftir því á hvaða stigi í Arion fríðindum þú ert:

• Stig 1: 5%
• Stig 2: 5%
• Stig 3: 6%
• Premía: 7%

Gunna og Jón eru hjón. Gunna greiðir fyrir Heimilisverndina en ekki Jón.

Gunna er að greiða fyrir x margar tryggingar. Jón er jafnframt að greiða fyrir x margar tryggingar.

Gunna getur sótt um endurgreiðslu af þeim tryggingum sem hún greiðir fyrir. Jón getur sótt um endurgreiðslu af þeim tryggingum sem hann greiðir fyrir.

Það að annar aðilinn sé með Heimilisvernd gerir það að verkum að báðir aðilar geta sótt um endurgreiðslu af tryggingum sínum*.

*Gunna og Jón þurfa samt sem áður að uppfylla önnur skilyrði líka, þ.e. virkt kort og launavelta hjá Arion og tjónleysi á endurgreiðslutímabili.

Þú færð greitt mánuði eftir endurnýjun Heimilisverndar. Greiðsla miðast við endurnýjunardagsetningu.

Dæmi: Ef þú endurnýjar Heimilisverndina 1. nóvember 2024 þá færðu endurgreitt 5. desember 2024, eða einum mánuði eftir endurnýjun.

Ef þú lendir í tjóni á endurgreiðslutímabilinu fellur endurgreiðslan þín sjálfkrafa niður. Tjón sem falla undir eftirfarandi tryggingar eru þó undanskilin:

• Tjón vegna líf- og heilsutrygginga (t.d. líf- og sjúkdómatrygging)
• Tjón vegna bílrúðu (gildir einungis um viðgerð, ekki ef skipt er um rúðu)
• Atvinnutryggingar einstaklinga
• Hola í höggi með Golfvernd

Tjón hefur áhrif á endurgreiðslu um leið og búið er að bæta það.

Ef þú tilkynnir tjón fyrir lok tímabils, en færð það ekki bætt fyrr en á því næsta, fellur endurgreiðslan fyrir næsta tímabil niður.

Endurgreiðslan er reiknuð aftur í tímann.

Miðað er við að þú hafir verið tjónlaus út síðasta tímabil, sem er 12 mánuðir. Endurgreiðslan er síðan greidd út mánuði eftir endurnýjun Heimilisverndar.