Fjarþjónusta í ljósi aðstæðna

Hægt verður að sækja um fyrirframgreiðslu viðbótarsparnaðar með rafrænum skilríkjum á Mínum síðum til 1. janúar 2022.

Hver einstaklingur getur nú að hámarki sótt um fyrirframgreiðslu á þeirri fjárhæð sem hann á uppsafnaða þann 1. apríl 2021 en þó má samanlögð fyrirframgreiðsla á umsóknartímabilinu 1. apríl 2020 til 1. janúar 2022 ekki vera hærri en 12 milljónir. Hafi sjóðfélagi t.d. sótt um 5 milljóna fyrirframgreiðslu árið 2020 þá getur hann sótt um 7 milljóna fyrirframgreiðslu árið 2021, samtals 12 milljónir, samanlagt úr sjóðum allra vörsluaðila.

Umsóknarfrestur er til 10. dags hvers mánaðar. Greitt er út 15. dag hvers mánaðar. Þú sækir um með rafrænum skilríkjum á Mínum síðum.

Allur viðbótarsparnaður er laus til fyrirframgreiðslu þ.e. frjáls séreign vegna viðbótarsparnaðar, bæði iðgjöld og ávöxtun. Tilgreind séreign, bundin séreign og frjáls séreign vegna skyldusparnaðar eru hins vegar ekki laus til fyrirframgreiðslu.

Já, þú smellir á hnappinn Persónuupplýsingar efst í hægra horni á Mínum síðum, þar getur þú breytt samskiptaleiðum, bankareikningi og skattaupplýsingum.

Ef þú vilt breyta fjárhæð eða fjölda mánaða þá velur þú Stöðva fyrirframgreiðslu. Eftir það gerir þú nýja umsókn með því að Sækja um fyrirframgreiðslu að nýju.

Óskir þú hins vegar eftir að hætta alfarið við umsóknina þá velur þú eingöngu Stöðva fyrirframgreiðslur.

Já, tekjuskatt. Vörsluaðili sér um að standa skil á tekjuskatti. Ástæðan er sú að viðbótariðgjöld eru dregin af launum áður en tekjuskattur er reiknaður og greiðslu tekjuskatts frestað fram að útgreiðslu. Skatthlutfall í staðgreiðslu skiptist nú í 3 skattþrep nánar á vefsíðu RSK. Mikilvægt er að sjóðfélagar séu meðvitaðir um í hvaða skattþrepi greiðslan lendir þegar tekið hefur verið tillit til annarra tekna. Líkur eru á að lenda í hærra skattþrepi ef lífeyrissparnaður er tekinn út meðan sjóðfélagi er með önnur laun. Því kann fyrirframgreiðslu að fylgja skattalegt óhagræði. Viðbótarsparnaður er hins vegar undanþeginn fjármagnstekjuskatti, auk þess sem ekki er greiddur erfðafjárskattur af honum við fráfall. Hins vegar þarf að greiða fjármagnstekjuskatt af ávöxtun almenns sparnaðar og erfðafjárskatt við fráfall.

Já, ef nýta á persónuafslátt þarf að taka það fram í umsókn. Persónuafsláttur vegna 2021 er 50.792 kr. á mánuði/609.509 kr. á ári og heimilt er að nýta allan (100%) ónýttan persónuafslátt maka á árinu 2021. Nánar á vefsíðu RSK.

Lækki gengi sjóðsins á tímabilinu getur endanleg fjárhæð sem greidd er út orðið lægri en sú fjárhæð sem var laus til fyrirframgreiðslu við gildistöku laganna, þann 1. apríl 2021. Greiddur er tekjuskattur af heildarfjárhæð.

Fjárhæðin greiðist út með jöfnum mánaðarlegum greiðslum á allt að 15 mánuðum.

Hámarksfjárhæð á mánuði er 800.000 kr. fyrir skatt, en hægt er að óska eftir að jafnar mánaðargreiðslur séu lægri.

Já, en aðeins er hægt að taka út 12 milljónir kr. í heildina, samanlagt úr sjóðum allra vörsluaðila. Aðeins er greitt úr einum sjóði í einu, nema þann mánuð sem greiðslum lýkur úr einum sjóði og greiðslur hefjast í öðrum.

Já, fyrirframgreiðslan stendur öllum til boða. Ef þú færð framfærsluuppbót samhliða örorkulífeyri frá TR þá gæti verið hagkvæmara að sækja um fyrirframgreiðslu frekar en að sækja um á grundvelli örorku eða aldurs því fyrirframgreiðslan hefur ekki áhrif til lækkunar á framfærsluuppbót. Auk þess dreifist fyrirframgreiðslan á styttri tíma sem gæti í einhverjum tilfellum hentað betur. En í þeim tilfellum sem hægt er að sækja um á grundvelli aldurs (60 ára) eða andláts (erfðaséreign) þá er það almennt hentugri leið því eru þær útgreiðslureglur sem um það gilda eru sveigjanlegri en þær reglur sem gilda um fyrirframgreiðslur.

Einungis er leyfilegt að millifæra á bankareikning á kennitölu sjóðfélaga. Prókúra á reikning nægir ekki. Ekki er millifært á erlenda reikninga. Launaseðlar eru aðgengilegir í netbanka sjóðfélaga.

Já, þú þarft að sækja um hjá núverandi vörsluaðila, ef ætlunin er að fá fyrirframgreiðslu. Umsókn frá öðrum vörsluaðila flyst ekki yfir samhliða flutningi á séreign, hvort sem fyrirframgreiðslur voru hafnar eða ekki. Athugaðu að heildarfyrirframgreiðsla úr viðbótarsparnaði verður þó aldrei hærri en 12 milljónir kr. samtals sem þýðir að ef útgreiðslur hófust hjá fyrri vörsluaðila munu þær greiðslur sem þú fékkst þaðan, dragast frá þeirri upphæð sem þú getur sótt um hjá núverandi vörsluaðila.

Nei, viðbótarsparnaður er ekki aðfararhæfur meðan hann er í séreignarsjóði og því ekki hægt að ganga að honum vegna fjárhagslegra skuldbindinga, líkt og gildir um annan sparnað. Kröfuhafa er því óheimilt að krefjast þess að þú óskir eftir fyrirframgreiðslu á viðbótarsparnaði þínum. Þessi vernd er ekki lengur til staðar á þeirri séreign sem greidd hefur verið út úr sjóðnum, inneign á bankareikningi er t.d. aðfararhæf.

Til að Vinnumálastofnun geti metið hvort réttur er til atvinnuleysisbóta þurfa upplýsingar um aðrar tekjur að fylgja umsókn. Því er óskað eftir öllum launaseðlum síðustu tvo mánuði. Gildir jafnt um fyrirframgreiðslur viðbótarsparnaðar og aðrar tekjur, jafnvel þó að fyrirframgreiðslur skerði ekki atvinnuleysisbætur. Sjóðfélagar geta nálgast launaseðla um fyrirframgreiðslur í netbanka.

Það er viðeigandi að hafa í huga að „eyðist það sem af er tekið“. Einn af kostum viðbótarsparnaðar er að hann minnkar tekjulækkun við starfslok. Eðli málsins samkvæmt leiðir fyrirframgreiðsla viðbótarsparnaðar til þess að uppsafnaður sparnaður og útgreiðslur síðar meir verða lægri, sem getur því haft áhrif á lífskjör á eftirlaunaárunum. Það er alltaf góð regla að horfa á heildarmyndina. Ef þörfin fyrir fyrirframgreiðslu nú er brýn, þá er ákvörðunin fljóttekin því þetta getur reynst góð leið til að drýgja tekjur við þær erfiðu aðstæður sem við stöndum frammi fyrir í dag, enda er það tilgangurinn með þessu úrræði. Sumir kjósa hins vegar að fara bil beggja og nýta hluta af heimildinni og eiga hluta til góða við starfslok. Allt eftir þörfum hvers og eins.

Fyrirframgreiðslan hefur ekki áhrif á greiðslu húsnæðisbóta, barnabóta, vaxtabóta, atvinnuleysisbóta og greiðslna til foreldra langveikra eða alvarlega fatlaðra barna, eða bóta skv. lögum um almannatryggingar og lögum um félagslega (t.d. framfærsluuppbót örorkulífeyris). Nánar í skilmálum umsóknar.