Fjarþjónusta í ljósi aðstæðna

Okkur er umhugað um velferð viðskiptavina okkar og starfsfólks. Vegna Covid-19 faraldursins munum við því frá og með morgundeginum, 26. mars, loka á heimsóknir í útibú okkar nema þær séu bókaðar fyrir fram og þá einungis fyrir brýn erindi. Við hvetjum viðskiptavini okkar til að nýta aðrar þjónustuleiðir eins og Arion appið og netbankann þar sem hægt er að framkvæma nær allar aðgerðir.

Við erum áfram til staðar fyrir þig og þú getur heyrt í okkur í síma 444 7000, sent okkur tölvupóst á arionbanki@arionbanki.is eða haft samband við okkur í gegnum netspjall á www.arionbanki.is. Einnig eru hraðbankar okkar aðgengilegir um land allt og bjóða upp á innlagnir, úttektir og margt fleira.

Ef erindið er brýnt getur þú bókað tíma

Ef úrlausnarefnið er brýnt getur þú óskað eftir afgreiðslu í útibúi. Þjónusta í útibúi er þó aðeins veitt ef erindið er þess eðlis að ekki er unnt að leysa úr málum nema augliti til auglits. Í slíkum tilvikum þarftu að bóka tíma sérstaklega. Hringdu í okkur, sendu tölvupóst eða skráðu þig hér fyrir neðan og við höfum samband við þig varðandi tímabókun.

Bóka tíma

Greiðsluhlé á afborgunum íbúðarlána

Við komum til móts við þá einstaklinga sem sjá fram á erfiðleika við að standa skil á afborgunum íbúðalána vegna COVID-19. Hægt er að gera hlé á afborgunum lánanna í allt að þrjá mánuði. Nánar má lesa um úrræðið og sækja um greiðsluhlé hér.

Tímabundnir greiðsluerfiðleikar

Að auki viljum við benda á nokkrar leiðir sem gætu hjálpað til við að greiða úr málunum.

Dæmi um lausnir sem að gætu hentað:

• Greiðsludreifing kreditkorta
• Yfirdráttarheimild
• Núlán til skemmri tíma
• Endurfjármögnun láns
• Lægri greiðslubyrði í fæðingarorlofi
• Greiðsluhlé á afborgunum íbúðalána

Hafðu endilega samband við okkur og við förum saman yfir fjármálin, metum stöðuna og ræðum leiðir. Þú getur sent okkur tölvupóst á netfangið greidslulausnir@arionbanki.is eða haft samband við okkur í síma 444 7000. Við reynum að svara eins fljótt og vel og aðstæður leyfa.

Fyrirtæki í greiðsluvanda

Við leitumst við að aðstoða þau fyrirtæki sem eru í viðskiptum við okkur og standa frammi fyrir erfiðleikum vegna COVID-19. Leiðarljósið í þeirri vinnu er að veita fyrirtækjum tímabundið svigrúm til að standa við sínar skuldbindingar og halda rekstri gangandi við þær aðstæður sem nú eru uppi.

Í samræmi við samkomulag fjármálafyrirtækja og lífeyrissjóða, sem er hluti af viðbrögðum við efnahagslegum áhrifum Covid-19, geta fyrirtæki nú sótt um að fresta greiðslum af lánum í allt að sex mánuði. Fleiri úrræði fyrir fyrirtæki hafa þegar verið kynnt eða eru í burðarliðnum. Nánar má lesa um úrræði bankans fyrir fyrirtæki hér.