Fjárhæðaþrep 30

Fjárhæðaþrep 30 er frábrugðinn öðrum sparnaðarreikningum bankans að því leyti að binditími reikningsins byrjar að telja þegar úttektarbeiðni er gerð, en ekki þegar lagt er inn á reikninginn. Úttekt fer þannig fram á 31. degi eftir dagsetningu úttektarbeiðninnar. Beri útgreiðsludag upp á dag sem ekki er bankadagur skal útgreiðsla vera næsti bankadagur þar á eftir. Bankadagur í samningi þessum er virkur dagur þegar bankar eru opnir á Íslandi.

Úttekt er framkvæmd í netbanka eins og um venjulega millifærslu sé að ræða og er millifærð 31 degi síðar. Einnig má framkvæma úttektarbeiðni í næsta útibúi Arion banka gegn gjaldi skamkvæmt verðskrá bankans.

Eiginleikar:

  • Óverðtryggður innlánsreikningur
  • Vextir eru breytilegir og fylgja vaxtatöflu bankans
  • Þrepaskiptir vextir eftir fjárhæð
  • Vextir eru greiddir út mánaðarlega*
  • Engin lágmarksinnistæða er á reikningnum
  • Úttektarbeiðnir eru gjaldfrjálsar í netbanka

* Hægt er að fá vextina greidda út á annan reikning en Fjárhæðaþrep 30, en ef annar ráðstöfunarreikningur er ekki valinn leggjast vextir við höfuðstól reikningsins.

Þrepin á reikningnum eru:

ÞrepVextir
0 - 10 millj.2,50%
10 - 25 millj.2,70%
25 - 50 millj.3,00%
>50 millj.3,30%