Hvað er
FinTech partý Arion banka?
FinTech partý er forritunarkeppni (e. hackathon) þar sem þátttakendur í þverfaglegum teymum vinna að þróun fjármálatengdra afurða á móti API frá Arion banka* og fleiri aðilum. Þátttakendur geta haft ólíkan bakgrunn, s.s. forritun, viðskiptaþróun eða hönnun.
Tilgangurinn er að auka við fjölbreytni í stafrænni fjármálaþjónustu við neytendur með nýjum öppum eða vefþjónustum. Teymi skulu vera hámark 4 einstaklingar.
Gögn sem verða aðgengileg eru:- Allar færslur debetkorta og kreditkorta auk hreyfinga á öðrum reikningum.
- Kröfur, gengi gjaldmiðla og Þjóðskrá.
- API Arion banka sem gerir ofangreind gögn aðgengileg í gegnum rafræna auðkenningu
- API Valitor með greiðsluþjónustu
- API Reiknistofu bankanna - mobile greiðsluvirkni og loka/opna eigin debetkort
- API Advania um rafræna undirritun
- API Meniga um gögn fyrir tiltekinn verslunargeira
- Mögulega verða fleiri opnir alþjóðlegir APIs í boði
Allar helstu upplýsingar um API verða aðgengilegar á Github.
Arion banki biður um lausnir í tveimur flokkum:- Þjónustur sem styðja og efla núverandi bankaþjónustu (e. enable the bank)
- Dæmi um slíkt gætu verið greiðslur, greiningar, viðmót, einföldun þjónustu, o.s.frv.
- Þjónustur sem gera banka óþarfa (e. disrupt the bank)
- Dæmi um slíkt gætu verið P2P, Crowdfunding, greiðslulausnir, o.s.frv.
Lausnirnar skulu henta ýmist fyrirtækjum eða einstaklingum.
Helstu upplýsingar
Viðburðurinn verður haldinn í höfuðstöðvum Arion banka, Borgartúni 19, þann 03.06.2016 frá kl. 12:00 til kl. 18:00 þann 04.06.2016 eða í 30 klukkustundir.
Þátttakendur munu hafa aðgang að:- WiFi og rafmagni
- Mat og drykkjarföngum allan tímann
- Fundaraðstöðu
- API Arion banka
- API með greiðsluþjónustur
- Aðrir opnir APIs
Dagskrá:
| Föstudagur 03.06.2016 | |
| 10:00 | Uppsetning búnaðar og vinnustöðva |
| 10:45 | Kynning Arion banka á gögnum, API og áherslum |
| 12:00 | Partýið hefst |
| 19:00 | Kvöldmatur |
| Laugardagur 04.06.2016 | |
| 08:00 | Wake Me Up Morgunmatur |
| 12:00 | Hádegismatur |
| 16:00 | Undirbúningur á lokakynningum hefst |
| 18:00 | Lokakynningar - hvert teymi hefur 3 mínútur til að kynna sínar lausnir |
| 19:30 | Lokahóf |
- Eigin (far)tölvur, farsíma og rafmagnssnúrur
- Annan búnað að eigin vali eftir þörfum
Besta lausnin í rofi á bankaþjónustu (e. disrupt the bank):
Flugmiði til San Fransisco fyrir alla meðlimi teymis
Besta lausnin í eflingu bankaþjónustu (e. enable the bank):
Apple iWatch fyrir alla meðlimi teymis
Besta tæknilega útfærsla:
Yoda í fullri stærð
Dómnefnd
Dómnefnd samanstendur af völdu starfsfólki Arion banka og utanaðkomandi aðilum.
Skilmálar
Helstu skilmálar eru að forritarar / teymi eiga allan kóða sem búinn verður til en Arion banki hefur fyrsta notkunarrétt. Ef til þess kemur að vara / þjónusta verður að viðskiptatækifæri hefur bankinn fyrsta rétt á lausninni.
Skilmálar þátttöku
Skráning í FinTech partý
Við biðjum alla þátttakendur að skrá sig til þátttöku fyrir 2. júní nk.
SKRÁNING HÉR
FAQ
Ég er ekki með teymi. Get ég samt skráð mig til þátttöku?
Við kjósum að teymin komi tilbúin til þátttöku. Það auðveldar undirbúning og líklega gæði þeirra lausna sem teymin vinna að í keppninni.
Teymi skulu vera 2-4 einstaklingar.
FinTech partý stendur yfir í 30 klukkustundir. Get ég sofið á staðnum?
Já. Við bjóðum upp á svefnaðstöðu svo hægt sé að halla höfði.
Hvaða forsendur liggja að baki vali á þátttakendum?
Við munum líta á LinkedIn prófíl, ferilskrá, hæfni teymis, drifkraft og verkefnislýsingu.
Hvar er viðburðurinn haldinn?
Í höfuðstöðvum Arion banka, Borgartúni 19, 105 Reykjavík.
Mun Arion banki nota gögn um mig í öðrum tilgangi en fyrir FinTech partý?
Starfsmannasvið bankans mun líta á feril þátttakenda, sem gæti leitt til starfsviðtals. Upplýsingarnar verða ekki notaðar að neinu öðru leyti.
Hvert leita ég með aðrar spurningar sem ég hef?
Hafðu samband í gegnum fintechparty@arionbanki.is eða í gegnum Facebook. Við munum svara eins fljótt og kostur gefst.
Hvað gerist eftir keppnina?
API Arion banka verður ekki opinn eftir keppnina. Fyrir lausnir sem verða að raunverulegu viðskiptatækifæri er það samningsatriði við bankann hvernig því sambandi er háttað.
* Þátttakendur munu fá aðgang að tilbúnum (e. dummy) gögnum.