Herðing gjaldeyrishafta - er afnám raunverulega á dagskrá?

Herðing gjaldeyrishafta - er afnám raunverulega á dagskrá?

Við fyrstu sýn lítur aðgerð Seðlabankans um að lækka hámarksfjárhæð heimildar til kaupa á erlendum gjaldeyri í reiðufé vegna ferðalaga úr 500.000 krónum í 350.000 krónur fremur sakleysislega út. Lækkun fjárhæðarinnar hefur engin stórkostleg áhrif á íslenska ferðalanga svo lengi sem greiðslukort eru enn gjaldgeng á erlendri grundu.

Að okkar mati hefur yfirlýsingin e.t.v. þyngra vægi en látið er í veðri vaka. Þegar höftunum var komið á upphaflega í nóvember 2008 var látið í veðri vaka að þau væri svo ströng að allar leiðir hlytu að liggja til slökunar. Annað hefur hins vegar komið á daginn. Því þrátt fyrir að Seðlabankinn hafi lýst því yfir reglulega að afnám haftanna væri rétt handan við hornið hefur flestar aðgerðir bankans gengið í þveröfuga átt – til herðingar (enda í okkar huga var aflétting á innflæði gjaldeyris í október 2009 ansi léttvægt skref í afléttingu hafta). Lækkun á heimild fyrir ferðagjaldeyri er því táknræn fyrir það bil sem hefur verið á milli orða og athafna Seðlabankans.

13. september 2018

Flug og föt vega salt

Við spáum 0,3% hækkun á vísitölu neysluverðs í september, sem er rétt undir bráðabirgðaspá okkar frá...

LESA NÁNAR