Spáum 0,3% verðbólgu í desember

Spáum 0,3% verðbólgu í desember

Greiningardeild spáir 0,3% hækkun vísitölu neysluverðs (VNV) í desember. Gangi spáin eftir mun ársverðbólgan áfram mælast 4,5% í desember. Bráðabirgðaspá greiningardeildar fyrir næstu mánuði gerir ráð fyrir verðhjöðnun í janúar um 0,2%, 0,7% hækkun VNV í febrúar og 1% hækkun í mars. Ársverðbólgan fer ört lækkandi á komandi mánuðum en gangi spá okkar eftir verður verðbólgan komin í 3,6% í mars á næsta ári.
Þrátt fyrir að sú styrking sem átti sér stað fyrr á árinu hafi ekki skilað sér nema að hluta í lægra innflutningsverðlagi þá virðist vera sem sú gengisleiðrétting sem kom í kjölfarið ætli að koma fram af fullum þunga. Síðustu mælingar hafa a.m.k. borið með sér merki þess efnis að gengisáhrif veikingarinnar í haust hafi verið að skila sér út í verðlagið til hækkunar. Þrátt fyrir að krónan hafi haldist nokkuð stöðug frá því í lok október þá teljum við að enn eigi verðbólgutölur eftir að vera smitaðar af gengisáhrifum, þó svo að áhrifin fjari hægt og bítandi út eftir því sem krónan helst stöðugri yfir lengri tíma.

Sjá umfjöllun í heild sinni: verðbólguspá desember 2012.pdf