Spáum óbreyttum stýrivöxtum

Spáum óbreyttum stýrivöxtum

Við spáum því að Seðlabankinn haldi stýrivöxtum óbreyttum á vaxtaákvörðunarfundi sínum 21. maí næstkomandi. Við teljum að verðbólguspá bankans fyrir yfirstandandi ár muni lækka, en hún var 2,7% við síðustu útgáfu Peningamála, en að áfram verði spáð hækkandi verðbólgu á næsta ári. Peningastefnunefndin mun byggja ákvörðun sína á verðbólguhorfum fram á við og teljum við litlar líkur á að verðbólguspáin lækki það mikið að færa megi rök fyrir stýrivaxtalækkun. Einnig hefur komið skýrt fram að nefndin hefur áhyggjur af því að verðbólguvæntingar til lengri tíma reynast tregbreytanlegar og hafa færst hægt niður á við. Á skuldabréfamarkaði hefur verðbólguálag til lengri tíma litið hækkað frá síðasta vaxtaákvörðunarfundi og er það ekki til þess að auka líkur á stýrivaxtalækkun. Jafnframt hafa orðið nokkrar breytingar á vinnumarkaði þar sem útlit er fyrir launahækkanir einstakra stétta nokkuð umfram kjarasamninga SA og ASÍ og dregur það úr líkum á langtíma kjarasamningum með hóflegum launahækkunum í byrjun næsta árs. Að lokum má nefna að merki hafa verið um töluverða aukningu á kortaveltu innanlands og vaxandi innlenda eftirspurn í byrjun árs, þótt tölurnar í apríl hafi vissulega verið undir væntingum. Við teljum því að peningastefnunefndin kjósi að leika biðleik að sinni og haldi stýrivöxtum óbreyttum eins og þeir hafa verið frá því í desember 2012.

Sjá nánar 140514_Vaxtaákvörðun_Seðlabankans.pdf

13. september 2018

Flug og föt vega salt

Við spáum 0,3% hækkun á vísitölu neysluverðs í september, sem er rétt undir bráðabirgðaspá okkar frá...

LESA NÁNAR