Aukin hagsæld og minni eymd - eymdarvísitalan á niðurleið

Aukin hagsæld og minni eymd - eymdarvísitalan á niðurleið

Eymdarvísitalan er langt því frá að vera ný af nálinni en hún kom fyrst fram á sjónarsviðið á áttunda áratug síðustu aldar, þá sett fram af hagfræðingnum Arthur Okun. Tilgangur vísitölunnar er að meta hvernig hinn hefðbundni borgari hefur það hagfræðilega séð og er hún fundin með því að leggja saman atvinnuleysi og verðbólgu á hverjum tíma, en báðar stærðirnar eru mikilvægir áhrifaþættir í lífi launþega.

Eymdarvísitalan náði hámarki hér á landi árið 1983 en það ár reið holskefla óðaverðbólgu yfir landann. Frá árinu 1991 og fram til ársins 2008 hélst vísitalan nokkuð stöðug og tók hún að jafnaði gildi á milli 4 og 10, að undanskildum fyrsta fjórðungi ársins 2002 þegar það gætti nokkuð meiri eymdar en áður. Í kjölfar fjármálakreppunnar áriði 2008 tók vísitalan að hækka hratt og náði hún  hámarki í byrjun árs 2009, einkum vegna mikillar verðbólgu. Síðan þá hefur leiðin legið niður á við og hefur eymdin ekki mælst minni frá árinu 2007.

Sjá nánari umfjöllun: Eymdarvisitalan.pdf