Spáum lækkun stýrivaxta um 50 punkta í desember

Spáum lækkun stýrivaxta um 50 punkta í desember

Við spáum því að peningastefnunefnd Seðlabankans kjósi að lækka stýrivexti um 50 punkta á næsta vaxtaákvörðunarfundi sem haldinn verður miðvikudaginn 10. desember. Helstu rök fyrir stýrivaxtalækkun eru í fyrsta lagi þau að raunvaxtastig er töluvert yfir því sem er ákjósanlegt að okkar mati. Ársverðbólga hefur ekki einungis lækkað frá síðustu vaxtaákvörðun heldur hafa verðbólguhorfur einnig lækkað verulega og hefur því aðhald peningastefnunnar aukist umtalsvert frá síðasta fundi peningastefnunefndar. Jafnframt hefur verðbólguálag á skuldabréfamarkaði lækkað umtalsvert síðastliðinn mánuð og teljum við að töluverður árangur hafi náðst við að bæta kjölfestu verðbólguvæntinga undanfarið. í öðru lagi eru hagvaxtartölur á fyrstu níu mánuðum ársins mun slakari en spár gerðu ráð fyrir. Sá kröftugi vöxtur innlendrar eftirspurnar sem peningastefnunefnd hefur haft áhyggjur af virðist því ekki vera að raungerast.

Sjá nánar 051214_Stýrivaxtaspá.pdf