Vinnumarkaðurinn - Góð aðlögunarhæfni

Vinnumarkaðurinn - Góð aðlögunarhæfni

Svo virðist vera að spenna á vinnumarkaði fari dvínandi sem rímar vel við hagvaxtarspár greiningaraðila. Það vekur spurningar um hversu vel í stakk búinn vinnumarkaðurinn sé til að bregðast við breyttum aðstæðum.

Flutningar erlends vinnuafls hafa haft sveiflujafnandi áhrif á vinnumarkaðinn undanfarin ár og í ljósi þess að hlutfall erlends vinnuafls af heildarvinnuafli hefur aldrei verið hærra ætti viðbragðsgetan að vera góð. Auk þess er atvinnuþátttaka fólks á aldrinum 16-24 ára mjög há í sögulegu samhengi sem bætir aðlögunarhæfni vinnumarkaðarins enn frekar. Þetta skýrist af því að unga fólkið hefur tilhneigingu til að setjast á skólabekk þegar að það kreppir að og dempa þannig höggið á vinnumarkaðinn.

Skoða samantekt