Aðgerðir ríkisstjórnarinnar vegna skattfrjálsrar greiðslu viðbótarlífeyrissparnaðar inn á húsnæðislán skiptast nú í þrennt:
a) Séreign inn á lán – tók gildi 1. júlí 2014, framlengt til 30. júní 2019
b) Húsnæðissparnaður - viðbótarlífeyrissamningur gerður strax, sótt um úrræðið á vef RSK þegar kaupsamningur liggur fyrir - tók gildi 1. júlí 2014 framlengt til 30. júní 2019
c) Fyrsta fasteign - tók gildi 1. júlí, 2017 - gildir til afturvirkt frá 1. júlí 2014 til framtíðar.
Helstu upplýsingar:
Fylgstu með láninu þínu lækka:
Netspjall
Sækja um viðbótarlífeyrissparnað
Sækja um séreign inn á lán
Sækja um húsnæðissparnað
Samkvæmt þeim er heimilt að nýta iðgjöld í viðbótarlífeyrissparnað, skattfrjálst, á samfelldu tíu ára tímabili til fasteignakaupa.
Skilyrði er að um fyrstu kaup á fasteign sé að ræða.
Skattfrelsið takmarkast við 500 þúsund krónur á ári fyrir hvern einstakling, samtals 5 milljónir á tíu ára tímabilinu. Iðgjöldin sem má nýta takmarkast við 4% framlag launþega og 2% framlag launagreiðanda.
Úrræðið skiptist í þrjár leiðir en sjóðfélagi hefur jafnframt val um að blanda þeim saman.
Sækja skal um á vef ríkisskattstjóra. Opnað hefur verið fyrir umsóknir og hægt er að sækja um ráðstöfun viðbótarlífeyrissparnaðar hér
Ef þú ert ekki að greiða í viðbótarlífeyrissparnað getur þú sótt um það hér.
Nánari upplýsingar og leiðbeiningar má nálgast á vef Ríkisskattstjóra.
Hef ég val um það hvort iðgjaldið fari inn á höfuðstól lánsins míns eða nýtist til greiðslu afborgana lánsins? Ef þú tekur óverðtryggt lán þá hefur þú það val. Veljir þú að ráðstafa iðgjaldinu til greiðslu afborgana þá gerist það með ákveðnum hætti. Fyrstu 12 mánuðina fer allt iðgjaldið til greiðslu afborgunar. Næstu 12 mánuði fer 90% iðgjaldsins í greiðslu afborgana og 10% er greitt inn á höfuðstól lánsins. Skiptingin þróast þannig að á 10 árinu er 10% ráðstafað til afborgunar en 90% inn á höfuðstól lánsins. Iðgjald í séreignarsparnað
| |||||||||||||||||||||||||||||||||
Hversu lengi varir úrræðið? Fyrsta fasteign gildir til framtíðar. Sem þýðir að sjóðfélagi getur, hvenær sem hann festir kaup á fyrstu íbúð, valið samfellt 10 ára tímabil sem hann vill nýta til fasteignakaupa. | |||||||||||||||||||||||||||||||||
Get ég nýtt þetta tíu ára tímabil að hluta eða í heild sem útborgun í íbúð? Já, þegar kemur að fasteignakaupum getur þú valið hvort þú viljir nýta iðgjöld sem safnast hafa frá 1. júlí 2014 til útborgunar við kaupin. Sá mánaðarfjöldi sem nýttur er til útborgunar kemur þá til frádráttar á því tíu ára tímabili sem um ræðir. Iðgjöld þeirra mánaða sem eftir standa má þá nýta til að greiða inn á höfuðstól lánsins eða að hluta til afborgana ef þú tókst óverðtryggt lán. | |||||||||||||||||||||||||||||||||
Hafa hjón sameiginlegt skattleysishámark? Nei, skattleysið er per kennitölu sem þýðir að hjón hafa 500 þúsund króna hámark hvort fyrir sig og geta ekki nýtt heimildina frá hvort öðru. | |||||||||||||||||||||||||||||||||
Hvaða upphæðir er verið að tala um? Skattleysið takmarkast við 500 þúsund krónur á ári fyrir hvern einstakling, samtals 5 milljónir á 10 árum. Jafnframt takmarkast skattleysið við 4% framlag launþega og 2% mótframlag frá launagreiðanda. | |||||||||||||||||||||||||||||||||
Get ég keypt íbúð með öðrum en maka mínum og samt nýtt úrræðið? Skilyrði er að sá sem sækir um að nýta sér úrræðið eigi að lágmarki 30% í fasteigninni. Samkvæmt því geta í raun allt að þrír einstaklingar átt fasteign saman og nýtt sé úrræðið. Það er ekki sett sem skilyrði að eigendur fasteignar séu makar. | |||||||||||||||||||||||||||||||||
Hverjum stendur þetta til boða? Þeir sem festa kaup á fyrstu íbúið eftir 1. júlí 2014 geta nýtt sér viðbótarlífeyrissparnað skattfrjálst til að greiða inn á höfuðstól lána, greiða afborganir að hluta af óverðtryggðum lánum eða sem útborgun við kaup á fyrstu íbúð. | |||||||||||||||||||||||||||||||||
Hvað gerist þegar ég sel fyrstu íbúðina mína sem ég er að nýta viðbótarlífeyrissparnaðinn til að greiða inn á? Þú getur haldið áfram að nýta þér iðgjöld í viðbótarlífeyrissparnað skattfrjálst inn á lánið sem þú tekur vegna kaupa á næstu íbúð. Skilyrðið er að þú festir kaup á næstu fasteign innan 12 mánaða. |
Aðgerðirnar eru tvíþættar, annars vegar er um að ræða beina lækkun verðtryggðra fasteignalána sem voru til staðar á árunum 2008 og 2009 þar sem verið er að leiðrétta verðbólguna sem var á þessum tíma.
Hins vegar er um að ræða mögueika á að nýta sér iðgjöld í viðbótarlífeyrissparnað til þess að lækka lánin og fá iðgjöldin greidd beint inn á lánin skattfrjálst.
Þeir sem eru með fasteignalán í dag geta nýtt að greiða iðgjöldin skattfrjáls til þess að lækka höfuðstóla fasteignalána.
Þeir sem ekki eru með fasteignalán geta einnig sótt um að nýta sér að safna iðgjaldagreiðslum upp í útborgun á íbúð.
Allir sem eru með húsnæðislán geta sótt um að greiða iðgjöld vegna viðbótarlífeyrissparnaðar inn á lánið.
Helsti kosturinn við þetta er tvímælalaust sá að greiðslurnar eru skattlausar. Að jafnaði er viðbótarlífeyrissparnaður greiddur af óskattlögðum tekjum og tekjuskattur greiddur þegar kemur að útgreiðslu viðbótarlífeyrissparnaðar. Í þessari aðgerð er boðið upp á að greiða viðbótarlífeyrissparnaðinn inn á lán án þess að greiða af honum skatt.
Viðbótarlífeyrissparnaður er ekki aðfararhæfur sem þýðir að fari fólk í gjaldþrot þá er ekki hægt að taka viðbótarlífeyrissparnaðinn upp í greiðslur.
Þegar viðbótarlífeyrissparnaður hefur verið tekinn út og nýttur til þess að greiða inn á lán þá gildir þetta ekki lengur. Lendi fólk í gjaldþroti eftir að viðbótarlífeyrissparnaður hefur verið færður á höfuðstól láns þá er sá sparnaður tapaður þar sem fasteignin er aðfararhæf.
Aðrar áhættur eru hvernig landið á eftir að þróast, hvernig þróast fasteignaverð, hvernig verður þróunin á verðbólgunni og um þessa þætti er erfitt að spá fyrir um fyrir næstu 30-40 árin.
Ef markmiðið er alltaf að greiða upp fasteignalánið þá borgar sig að greiða inn á lánið aukalega þar sem það léttir afborganir og minnkar heildargreiðslubyrði yfir lánstímann.
Það er ekki hægt að fullyrða að það henti öllum að greiða niður húsnæðislán með viðbótarlífeyrissparnaði. Fyrir marga er þetta mjög gott en hver og einn verður að skoða sína stöðu og mynda sér skoðun á hvað hentar.
Það eina sem hægt er að segja með fullri vissu er að ef fólk sér fram á, einhverra hluta vegna, að það stefni í gjaldþrot þá borgi sig ekki að nýta sér þetta úrræði. Um leið og viðbótarlífeyrissparnaður er ekki lengur viðbótarlífeyrissparnaður heldur kominn inn lánið og það kemur til gjaldþrots, þá er sparnaðurinn tapaður.
Fyrir einstaklinga þá er hámarkið kr. 500.000 á ári á þremur árum svo það er í heildina kr. 1.500.000.
Fyrir hjón eða aðila sem uppfylla skilyrði til samsköttunar þá er hámarkið kr. 750.000 á ári í þrjú ár sem eru í heildina kr. 2.250.000.
Sambúðarfólk þarf að sækja um í sitthvoru lagi, það er að segja ef báðir aðilar ætla að nýta sér þessa aðgerð og greiða inn á lánið sitt.
Hámarkið er kr. 750.000 fyrir báða aðilana saman.
Sambúðarfólk getur ákveðið að bara annar aðilinn muni greiða inn á lánið.
Eftir að sótt hefur verið um þá sér viðkomandi lífeyrissjóður, sem greitt er í, um að taka við iðgjöldunum og ráðstafa þeim inn á lán. Þetta verður gert á að minnsta kosti 3ja mánaða fresti, í fyrsta sinn í nóvember 2014.
Það er ekki hægt að nýta eldri sparnað til að greiða skattfrjálst inn á lán. Þetta úrræði gildir um framtíðariðgjöld. Það getur skipt máli fyrir fólk að skoða hvaða prósentu það er að greiða sjálft í viðbótarlífeyrissparnað og hækka þá mögulega prósentuna úr 2% í 4% til að hámarka nýtingu á skattleysis hámarkinu.
Þeir sem eru að vinna geta nýtt sér þetta úrræði.
Forsendan fyrir því að hægt sé að nýta iðgjöld viðbótarlífeyrissparnaðar til að greiða skattfrjálst inn á höfuðstól láns er sú að fólk sé með tekjur sem það greiðir af skatt og greiði í víðbótarlífeyrissparnað.
Það er hægt að velja lán. Hægt er að greiða inn á verðtryggð og óverðtryggð lán. Lánin þurfa að vera til íbúðarkaupa og þurfa að veita rétt il vaxtabóta.
Lánið þarf að hafa verið fært í reit 5.2 á skattframtali. Ef svo er ekki er hægt að hafa samband við ríkisskattstjóra til þess að kanna ástæður þess sem og til þess að athuga hvort hægt sé að breyta því.
Það sem best að horfa á fyrst er hversu háir vextir eru á láninu, best er að greiða niður það lán sem ber hæsta vexti. Einnig þarf að horfa á s.s. lengd lánsins, upphæð, fjöldi gjalddaga sem eru eftir o.s.frv.
Til þess að auðvelda fólki að taka þessar ákvörðun þá höfum við sett upp reiknivél hér á vefnum. Forsendur láns eru reiknaðar og fólk getur séð hvaða áhrif innborgun mun hafa á lánið. Þetta má svo endurtaka fyrir fleiri lán og bera niðurstöðurnar saman og mynda sér skoðun.
Það eina sem skiptir máli er að lánið þarf að hafa verið tekið áður en að sótt er um að greiða inn á það.
Úrræðið felur hins vegar í sér tvær hiðar.
Annarsvegar geta þeir sem eru með fasteignalán sótt um að greiða inn á lánið og hins vegar þeir sem ekki eiga fasteign sem geta þá sótt um að nýta viðbótarlífeyrissparnaðinn til þess að safna upp í útborgun á fasteign.
Þessar tvær hliðar geta mögulega skarast þegar aðili sem á fasteign selur eign en kaupir ekki strax aftur. Viðkomandi getur það farið úr því að greiða niður fasteignalán með viðbótarlífeyrissparnaði í það að safna viðbótarlífeyrissparnaði upp í útborgun. Sama á við ef aðili byrjar á að safna viðbótarlífeyrissparnaði sem útborgun í íbúð en finnur draumaeignina t.d. að ári liðnu. Sá getur þá fært sig úr því að safna viðbótarsparnaði í það að nýta viðbótarsparnað til að greiða niður lán sem er þá væntanlega til staðar vegna íbúðakaupanna.
Margir hafa áhyggjur af því að viðbótarlífeyrissparnaðurinn hverfi í verðbólgu þegar greitt er inn á lán. Það er hins vegar ekki þannig að þessar 1.500.000 kr. sem greiddar eru inn á lánið hverfi þó svo að verðbólga valdi því að lánið hækki, lánið hækkar einfaldlega kr. 1.500.000 minna en það hefði gert.
Hérna á vefnum er reiknivél þar sem hægt er að skoða hvaða áhrif verðbólga hefur á þessa innáborgun og sjá hvernig höfuðstóllinn breytist eftir því hvaða verðbólguáætlun reiknað er með.
Allar breytingar sem verða á högum fólks meðan að á þessu tímabili stendur þarf að tilkynna ríkisskattstjóra með því að gera breytingu á umsókn. Um er að ræða breytingar eins og: skipt er um húsnæði, endurfjármögnun láns, greitt er í annan lífeyrissjóð en verið hefur, skilnaður og ný sambúð.
Fyrsta sem þarf að gera er að gera samning um viðbótarlífeyrissparnað. Það er t.d. hægt að gera í öllum útibúum Arion banka. Þar eru ráðgjafar sem geta útbúið samning fyrir þig. Þegar samningurinn er frágenginn þá er hægt að sækja um að nýta iðgjöldin til að greiða inn á lán.
Þá getur þá nýtt þér viðbótariðgjöldin til húsnæðissparnaðar. Það virkar þannig að greitt er í viðbótarlífeyrissparnað en þegar að íbúðarkaupum kemur þá getur þú tekið út þau iðgjöld sem söfnuðust á þessum þremur árum, skattfrjálst, og nýtt þau til þess að kaupa íbúð.
Hægt er að sæka um þetta úrræði á vef ríkisskattstjóra. Búið er að opna fyrir umsóknir og er umsóknarfrestur til 1. september 2014 ef ætlunin er að nýta sér úrræðið frá 1. júlí 2014.
Hins vegar verður áfram opið fyrir umsóknir en þær umsóknir sem berast eftir 1. september gilda frá og með þeim tíma.
Þarf lánþegi að greiða uppgreiðslugjald ef hann nýtir sér skattfrelsi viðbótarlífeyrissparnaðar inn á lán? Ef það er uppgreiðslugjald á láninu sem greiða á inn á. Heimilt er að greiða 1.000.000 kr. inn á lán með uppgreiðslugjaldi sem tekin voru eftir að nýju neytendalánslögin tóku gildi 01.11.2013. |
Gæti ég átt rétt á því að nýta mér 10 ára tímabilið, Fyrstu fasteign? Ef þú keyptir fyrstu íbúðina þína eftir 1. júlí 2014 þá getur þú nýtt þér Fyrstu fasteign í stað þessa úrræðis. |
Borgar sig fyrir mig greiða viðbótarlífeyrissparnað inn á húsnæðislán eða til húsnæðissparnaðar? Í flestum tilfellum ætti það að borga sig þar sem greiðslan er skattfrjáls. Hins vegar þarf hver og einn að skoða sína stöðu og taka ákvörðun út frá henni. Viðbótarlífeyrissparnaður er t.d. ekki aðfararhæfur sem þýðir að ef viðkomandi fer í gjaldþrot er ekki hægt að ganga að viðbótarlífeyrissparnaðinum líkt og inneign á bankabók. Sá sem stefnir í gjaldþrot ætti ekki að greiða viðbótarlífeyrissparnað sinn inn á húsnæðislán eða til húsnæðissparnaðar. |
Inn á hvaða lán ætti ég að greiða skattfrjálsa viðbótarlífeyrissparnaðinn minn? Í langflestum tilvikum er hagstæðast að greiða inn á það íbúðalán sem ber hæstu vextina en þó þarf að taka tillit til uppgreiðslugjalda. |
Get ég valið inn á hvaða lán ég greiði skattfrjálsa viðbótarlífeyrissparnaðinn minn? Já svo framarlega sem eftirfarandi skilyrði eru uppfyllt: að lánin séu tryggð með veði í íbúðarhúsnæði og að þau séu grundvöllur til útreiknings vaxtabóta. |
Þurfa samskattaðir aðilar báðir að sækja um greiðslu viðbótarlífeyrissparnaðar inn að lán? Já, ef báðir aðilar ætla að nýta sér úrræðið, þá þurfa báðir að sækja um. |
Ef ég geri samning um viðbótarlífeyrissparnað núna, get ég þá strax byrjað að spara fyrir íbúð? Já, þú getur byrjað að spara frá og með 1. júlí 2014 og getur sparað með viðbótarlífeyrissparnaði alveg til 30. júní 2019 |
Ef ég er nú þegar með viðbótarlífeyrissparnað, hækkar hann þá sjálfkrafa úr 2% í 4% frá og með 1. júlí 2014, eða þarf ég að sækja um það skriflega? Launagreiðandi ætti að hækka iðgjald sjálfkrafa í 4% hjá þeim sem voru með 4% í lok árs 2011 og eru enn að greiða, eða hafa gert samning um viðbótarlífeyrissparnað 2014 og óskað á honum eftir hækkun í 4% frá og með 01.07.2014. Þú getur hækkað viðbótariðgjald þitt í 4%, óskir þú eftir því. |
Þarf lánið sem ég greiði viðbótarlífeyrissparnaðinn minn inn á að vera tekið fyrir einhvern ákveðinn tíma? Lánið þarf að vera tekið áður en þú sækir um að greiða viðbótarlífeyrissparnaðinn þinn inn á það. Lokadagur til þess er 28. júní 2019. |
Ef inneign mín hækkar frá því að ég greiði iðgjald í sjóðinn og þar til sjóðurinn greiðir inn á lán, get ég þá greitt hærri upphæð inn á lánið, en ég greiddi upphaflega inn í sjóðinn? Nei greiðsla inn á lán getur aldrei numið hærri fjárhæð en sem nemur greiddum iðgjöldum. |
Þegar búið er að greiða upp í hámarkið þ.e. 2.500.000/3.750.000 kr. skattfrjálst inn á lánið, get ég þá greitt meira með því að borga bara skatt af því? Nei þegar hámarki er náð fer viðbótarlífeyrissparnaðurinn hefðbundna leið þ.e. inn í séreignarsjóðinn þinn. |
Getur skuldheimtumaður krafist þess að ég sæki um þetta úrræði? Nei, það getur hann ekki. |
Borgar sig fyrir mig að gera samning um viðbótarlífeyrissparnað? Viðbótarlífeyrissparnaður er einhver besti sparnaður sem völ er á en helstu kostir hans eru mótframlag launagreiðanda, skattahagræði og erfanleiki. Flestir líta á mótframlagið sem launahækkun, en samkvæmt flestum kjarasamningum er mótframlag launagreiðanda 2%. |
Hvernig fara greiðslurnar fram? Vörsluaðilar skulu ráðstafa greiðslum til lánveitenda á þeim tíma þegar greiðslur geta farið inn á höfuðstól valinna lána í skilum. Lánveitendur skulu ráðstafa greiðslum frá vörsluaðilum inn á höfuðstól valinna lána. Séu lán í vanskilum fer um greiðsluna eftir hefðbundinni greiðsluröð samkvæmt lánaskilmálum. |
Hvað ef ég sæki um að greiða viðbótarlífeyrissparnað inn á lán en sel svo íbúðina mína án þess að kaupa aðra? Þá getur þú nýtt þann tíma sem eftir er af tímabilinu til húsnæðissparnaðar. Ef þú festir kaup á fasteign að nýju fyrir 29. Júní 2019 getur þú nýtt uppsöfnuð iðgjöld á tímabilinu til útborgunar í þeirri íbúð. |
Velkomin á vefsíðu Arion banka. Þessi síða notar kökur (e. cookies) til að auðvelda þér að vafra um vefinn, geyma upplýsingar um stillingar o.fl. Sjá skilmála hér.