Arion banki gef­ur út skýrslu um horf­urnar í ís­lensk­um sjáv­ar­út­vegi

Arion banki hefur gefur út ítarlega skýrslu um stöðuna í íslenskum sjávarútvegi.

Sjávarútvegur hefur verið samofinn sögu Íslands frá landnámi og staðið af sér margs konar áföll, aðlagast breyttri samfélagsgerð og lengi haldið stöðu sinni sem hryggjarstykkið í íslensku hagkerfi.

Í skýrslunni vörpum við ljósi á það hvernig kvótakerfið hefur skapað þá umgörð sem gerði hérlendum sjávarútvegsfyrirtækjum kleift að komast í fararbrodd á heimsvísu. Nú á dögum erum við í sterkri stöðu hvað varðar ferskleika og gæði afurða, skilvirkni og tækni í veiðum og vinnslu, nýtingu afurða og sjálfbærni.

Við skoðum enn fremur núverandi rekstrarskilyrði í greininni og veltum fyrir okkur áhrifum nýs fiskveiðigjalds. Þá köfum við ofan í hraðan vöxt fiskeldis á síðustu árum og stórtækar áætlanir á því sviði.

Ef framtíðin rímar við fortíðina eru allar líkur á því að íslenskum fyrirtækjum takist að finna leiðir til þess að halda íslenskum sjávarútvegi áfram í fremstu röð. Sem stendur er mikil gróska í greininni hér á landi, einkum hjá nýsköpunarfyrirtækjum. Ekki má þó líta fram hjá þeim áskorunum sem fram undan eru, meðal annars í tengslum við breytt loftslagsskilyrði og hlýnun sjávar, flókin rekstrarskilyrði fiskvinnslna og fleira.

Íslenskur sjávarútvegur í heimsklassa