Við getum öll lent í netsvikum!
Tilraunum til fjársvika hefur fjölgað undanfarið, sem kallar á aukna áherslu á netöryggi.
Þú tilkynnir netsvik með því að senda okkur póst á netsvik@arionbanki.is.
Tilraunum til fjársvika hefur fjölgað undanfarið, sem kallar á aukna áherslu á netöryggi.
Þú tilkynnir netsvik með því að senda okkur póst á netsvik@arionbanki.is.
Netsvik eru orðin ein umfangsmesta glæpastarfsemi í heiminum ásamt með ólöglegri vopnasölu og fíkniefnaviðskiptum.
Netsvik hófust fyrir alvöru á Íslandi fyrir um þremur árum og hafa aukist umtalsvert, sér í lagi þar sem fjármagnshöft og tungumál standa ekki lengur í vegi fyrir þrjótunum.
Aldur | Hlutfall þeirra sem lenti í netsvikum |
|---|---|
Yngri en 20 ára | 3,3% |
20 - 29 ára | 13,2% |
30 - 39 ára | 19,5% |
40 - 49 ára | 21% |
50 - 59 ára | 16% |
Eldri en 60 ára | 27% |
Federal Bureau of Investigation, 2024
Það er brýnt að vera á varðbergi gagnvart ólíkum svikaleiðum og þekkja hvernig má varast þær.
Ef þú telur þig hafa orðið fyrir netsvikum skaltu tafarlaust hafa samband við okkur í síma 444 7000 eða með því að senda tölvupóst á netfangið netsvik@arionbanki.is. Utan almenns opnunartíma er hægt að hafa samband við vaktþjónustu korthafa í síma 525 2000.
Jafnframt minnum við á að í Arion appinu er alltaf hægt að frysta kreditkortið og koma þannig í veg fyrir frekari misnotkun.
Aldrei gefa öðrum upp notandanafn og lykilorð eða leyninúmer á reikningum þínum. Jafnframt skaltu ekki gefa öðrum upp SMS kóða. Gott er að temja sér að nota aldrei sama lykilorðið á tveimur stöðum.
Aldrei gefa upp kortaupplýsingar (kortanúmer, gildistíma, CVV númer) á samfélagsmiðlum, með símtali, í tölvupósti eða í gegnum SMS.
Ef þú fékkst tölvupóst um innskráningu í Arion appið sem þú kannast ekki við skaltu bregðast hratt við með því að uppfæra öryggisstillingar appsins og fjarlægja tæki sem þú þekkir ekki.
Vertu á varðbergi gagnvart innskráningarbeiðnum með rafrænum skilríkjum. Hugsaðu um rafrænu skilríkin þín eins og peningaveski.
Ef einhver bæði þig um að rétta sér veskið þitt yrði fyrsta hugsun að hafna beiðninni. Sama gildir um rafrænu skilríkin þín.
Ef þú færð tölvupóst, SMS eða símtal frá einhverjum með greiðslufyrirmælum er gott að hafa samband við viðkomandi einstakling, fyrirtæki eða stofnun til að athuga hvort greiðslan eigi í raun rétt á sér.
Gefðu þér tíma og láttu aldrei undan þrýstingi frá þriðja aðila.
Netþrjótar beita alls kyns klækjabrögðum. Til að mynda taka þeir oft frekar litlar en stórar upphæðir út af kortum svo að erfiðara sé að átta sig á því sem er að gerast. Fylgstu með færslunum og tilkynntu strax ef þú kemur auga á eitthvað óeðlilegt. Þú getur líka fryst kortið í Arion appinu eða með því að hringja í 444 7000.
Þú getur tilkynnt netsvik með því að senda okkur tölvupóst á netfangið netsvik@arionbanki.is.
Eftir atvikum má einnig tilkynna þau til lögreglunnar í síma 444 1000 eða með því að senda tölvupóst á netfangið cybercrime@lrh.is.
Hægt er að kynna sér netsvik nánar á eftirtöldum vefsíðum:
Svikavakt Arion banka sinnir samskiptum við viðskiptavini sem lenda í svikum og starfar náið með innra eftirliti Arion banka og Rapyd.
Starfsfólk vaktarinnar er einnig vakandi fyrir grunsamlegum færslum og hefur samband við viðskiptavini ef þau koma auga á slíkt.
Svikavaktin er opin virka daga frá kl. 9:00 til 22:00 og frá kl. 10:00 til 22:00 um helgar og á frídögum. Hægt er að hafa samband með því að senda póst á netfangið netsvik@arionbanki.is.
„Öryggi viðskiptavina og starfsfólks er okkur afar mikilvægt. Okkar sýn er sú að án markvissrar fræðslu og vitundarvakningar sé erfitt að draga úr þeim netógnum sem blasa við í dag. Því teljum við að fræðsla og þjálfun sé lykilatriði í að byggja upp öruggara stafrænt umhverfi fyrir bæði einstaklinga og fyrirtæki.“
„Alls konar fólk lendir í netsvikum. Svikavakt Arion banka er í góðri samvinnu við sérfræðinga í öryggismálum og okkur hefur tekist að koma í veg fyrir mörg fjárhagstjón með góðri vöktun og góðum samskiptum við viðskiptavini.“
„Ef þú færð meldingu um innskráningu, beiðni um millifærslu eða ósk um upplýsingar gegnum samfélagsmiðla og kannast ekki við uppruna þeirra eru líkur á að um tilraun til netsvika sé að ræða. Það er því mikilvægt að staldra við þegar við fáum slík skilaboð og passa að gera ekki neitt í flýti!“