Að eignast barn
Það er alltaf gott að huga að fjármálunum þegar fjölskyldan stækkar.
Það er alltaf gott að huga að fjármálunum þegar fjölskyldan stækkar.
Þegar fjölskyldan stækkar kallar það oft á breytingar bæði í tekjum og útgjöldum. Það er því snjallt að huga að fjármálunum áður en ákveðið hefur verið að fjölga í fjölskyldunni því gott er að hafa myndað varasjóð til þess að brúa fjárhagslega bilið sem myndast í fæðingarorlofi.
Það er margt sem breytist við komu barns og sumum virðist sem heimurinn hafi hreinlega snúist á hvolf. Það eru ekki bara útgjöldin sem aukast heldur eru tekjur oft minni fyrstu mánuðina eftir komu barns þar sem fæðingarorlofsgreiðslur eru oftast ekki jafnháar þeim launagreiðslum sem þær koma í staðinn fyrir.
Á heimasíðu fæðingarorlofssjóðs er hægt að lesa sér nánar til um reglur varðandi fæðingarorlof en lengd orlofsins er samtals 12 mánuðir sem skiptast jafnt á milli foreldra og eru 6 vikur af þeim mánuðum framseljanlegar til hins foreldris. Ef foreldri er einstætt er réttur þess til fæðingarorlofs 12 mánuðir. Greiðslur í fæðingarorlofi eru 80% af launum foreldris þó aldrei hærri en 600 þúsund fyrir skatt.
Ein besta gjöfin sem foreldrar geta gefið barni sínu er sparnaður sem fylgir því allt frá fyrstu dögum. Við bjóðum upp á framtíðarreikning sem er tilvalinn fyrir afmælispeninga, tækifærisgjafir og daglegan sparnað. Sparnaðurinn er laus við 18 ára aldur og getur nýst þegar barnið stendur frammi fyrir stórum ákvörðunum í lífinu, til dæmis námi eða fyrstu íbúðarkaupunum.
Auk þess bjóðum við upp á áskrift í sjóðum, þar sem sparnaðurinn er fjárfestur í fjölbreyttum eignaflokkum með það að markmiði að auka ávöxtun til lengri tíma. Með áskrift í sjóðum geturðu valið áhættustig sem hentar þér og tryggt að sparnaðurinn vinni fyrir barnið þitt á hagkvæman hátt.
Framtíðarreikningur er verðtryggður innlánsreikningur og er innistæða hans laus til útborgunar við 18 ára aldur. Hann ber okkar hæstu vexti og hentar því vel til þess að leggja góðan grunn að framtíð barna og unglinga.
Þú velur einfaldlega upphæðina sem þér hentar, en það er ekkert lágmark og enginn kostnaður við kaup eða sölu. Í appinu hefurðu síðan ávallt góða yfirsýn yfir stöðuna á eign barnsins.
Þeir sem sjá fram á að eiga erfitt með að standast fjárhagslegar skuldbindingar sínar í fæðingarorlofinu geta til sótt um að greiðslur á íbúðaláni hjá Arion banka lækki um allt að helming á meðan á fæðingarorlofi stendur. Eftirstöðvarnar leggjast þá við höfuðstól lánsins.
Það er því mikilvægt að verðandi foreldrar setjist niður og ræði fjármálin og fái ráðgjöf um næstu skref.
Það er gott að skoða tryggingar fjölskyldunnar vel þegar barn er á leiðinni. Margir vilja breyta líf- og sjúkdómatryggingum sínum þegar þeir bera ábyrgð á lífi og heilsu barna og vilja tryggja fjárhagslegan stöðugleika þeirra við veikindi eða andlát foreldra. Vörður býður uppá fjölbreyttar tryggingar fyrir fjölskylduna.
Einnig er vert að skoða að tryggja börnin fyrir hugsanlegum áföllum vegna slysa og veikinda sem geta haft varanlegar afleiðingar fyrir heilsu þeirra og hamingju.
