Við hjálpum fyrirtækjum að ná árangri
Sérfræðingar okkar hafa yfirgripsmikla þekkingu og veita fyrirtækjum, fjárfestum og stofnunum víðtæka fjármálaráðgjöf á innlendum og erlendum vettvangi.
Sérfræðingar okkar hafa yfirgripsmikla þekkingu og veita fyrirtækjum, fjárfestum og stofnunum víðtæka fjármálaráðgjöf á innlendum og erlendum vettvangi.
Fyrirtækjaráðgjöf hefur umsjón með skráningu verðbréfa í kauphöll, hvort heldur sem um er að ræða frumskráningu fyrirtækja, hlutafjárhækkun skráðra fyrirtækja, skráningu skuldabréfaflokks eða skráningu annarra fjármálagerninga.
Við veitum einnig fyrirtækjum og seljendum ráðgjöf við undirbúning skráningar, gerð nauðsynlegra áreiðanleikakannana, höfum umsjón með samskiptum við kauphöll og fjármálaeftirlit, umsjón með gerð skráningarlýsinga og fjárfestakynninga.
Umsjón með almennum útboðum á hlutabréfum, sem felur í sér ráðgjöf við undirbúning, umsjón með gerð útboðslýsingar, fjárfestakynningum og framkvæmd útboðs. Umsjón með lokuðum útboðum hlutabréfa og/eða skuldabréfa til stærri fjárfesta, sem felur í sér ráðgjöf við undirbúning, umsjón með fjárfestakynningum og framkvæmd útboðs.
Rafræn útgáfa verðbréfa
Umsjón með rafrænni útgáfu hlutabréfa og skuldabréfa í kerfi Verðbréfaskráningar Íslands.
Við höfum umsjón með sölu fyrirtækja í opnu söluferli eða lokuðu samningaferli. Veitum ráðgjöf við kaup á fyrirtækjum eða fjárfestingu í stærri eignarhlutum fyrirtækja og annarra fjármálagerninga.
Við veitum ráðgjöf við samruna og yfirtökur fyrirtækja, verkstýrum gjarnan slíku ferli frá upphafi til enda og höfum umsjón með samningaviðræðum og lúkningu viðskipta.
Fyrirtækjaráðgjöf hefur umsjón með skráningu verðbréfa í kauphöll, hvort heldur sem um er að ræða frumskráningu fyrirtækja.
Fjárhagsleg endurskipulagning og ráðleggingar varðandi kjörfjármagnsskipan.
Umsjón með almennum útboðum á hlutabréfum, sem felur í sér ráðgjöf við undirbúning, umsjón með gerð útboðslýsingar, fjárfestakynningum og framkvæmd útboðs.
Veitum stjórnendum ráðgjöf við bætta fjárhagsskipan, áætlanagerð sem og sjóða- og skuldastýringu.
Við höfum annast fjölbreytt ráðgjafar- og umsjónarverkefni á undanförnum árum. Verkefnin ná yfir sölu- og kaupferli, hlutafjár- og skuldabréfaútgáfur, skráningar á innlendum og erlendum mörkuðum, auk ráðgjafar í tengslum við fjármögnun, samrunaverkefni og aðrar flóknar viðskiptaákvarðanir.
Markmiðið er að tryggja faglega framkvæmd, skýran feril og hámarksvirði fyrir viðskiptavini í öllum áföngum ferlisins — frá undirbúningi til lokaafgreiðslu.
Fyrirtækjaráðgjöf Arion hefur á að skipa öflugum hópi sérfræðinga með yfirgripsmikla þekkingu og reynslu af fjármálagerningum.
Ef þú hefur frekari spurningar er hægt að hafa samband við ráðgjafa í síma 444-7000 eða með tölvupósti á netfangið fyrirtaekjaradgjof@arionbanki.is.
Fyrirtækjaráðgjöf Arion banka var ráðgjafi Garra ehf. í kaupum félagsins á 80% hlut í Mekka Wines&Spirits hf.
Framtakssjóður í rekstri VEX ehf., hefur fjárfest í hugbúnaðarfyrirtækinu Kóða ehf., og verður stærsti einstaki hluthafinn í félaginu. Seljendur eru stofnendur félagsins, þeir Dagur Gunnarsson, Thor Thors, Tómas Tómasson og Örn Þórðarson auk Péturs Thors og Jasnik ehf., félags sem er að fullu í eigu Höskuldar Tryggvasonar. Stofnendur félagsins munu áfram eiga stóran hlut í félaginu og koma að rekstri þess.
LAXEY hefur lokið síðari hluta fjármögnunarferlis félagsins með hlutafjáraukningu að fjárhæð 4 milljarðar króna. Um er að ræða annan hluta útboðs sem ætlað er að fjármagna uppbyggingu annars áfanga af sex í landeldi félagsins í Vestmannaeyjum. Það var fyrirtækjaráðgjöf Arion banka sem hafði umsjón með hlutafjáraukningunni.
Kaldvík hefur lokið 46,2 milljóna evra hlutafjáraukningu, sem nemur um 6,6 milljörðum króna. Samhliða því hefur félagið tryggt sér lánsfjármögnun að heildarupphæð 230 milljónir evra, sem markar mikilvægt skref í að styðja við frekari vöxt félagsins.
LAXEY, sem byggir upp félag með allt að 36.000 tonna (HOG) ársframleiðslu á laxi í landeldi í Vestmannaeyjum, lauk í síðustu viku 5 milljarða hlutafjáraukningu, sem nemur um 35 milljónum evra. Þessi áfangi markar mikilvægt skref í átt að byggja upp ársframleiðslu félagsins í 10.000 (HOG) tonn á hágæða landeldislaxi.
Controlant hefur lokið 35 milljón Bandaríkjadala fjármögnun, sem nemur 4,8 milljörðum íslenskra króna. Fjármögnuninni er ætlað að styðja við framtíðaráform félagsins og skiptist í 25 milljónir dala í formi nýs hlutafjár og 10 milljónir dala í lánsfjármögnun.
Langisjór ehf., eigandi 32,31% hlutafjár í Eik fasteignafélagi hf., hefur lagt fram yfirtökutilboð, á grundvelli tilboðsskyldu tilboðsgjafa samkvæmt 100. gr. laga nr. 108/2007 um yfirtökur, til hluthafa Eikar fasteignafélags hf. um kaup á hlutum þeirra í félaginu á kr. 11 á hlut.