Ari­on banki ráð­gef­andi í kaup­um Garra á ráð­andi hlut í Mekka Wines&Spi­rits

Fyrirtækjaráðgjöf Arion banka var ráðgjafi Garra ehf. í kaupum félagsins á 80% hlut í Mekka Wines&Spirits hf.

Garri var stofnað árið 1973 og hefur byggt upp öfluga stöðu á fyrirtækja- og veitingahúsamarkaði með sölu á matvöru, umbúðum og hreinlætislausnum.

Mekka hefur verið starfandi frá árinu 1995 og hefur um árabil verið ein stærsta áfengisheildverslun landsins.

Kaupin marka samruna tveggja rótgróinna félaga á heildsölumarkaði og eru mikilvægur áfangi í áframhaldandi uppbyggingu og vexti starfseminnar.

Við óskum hluthöfum Garra og Mekka Wines&Spirits innilega til hamingju með viðskiptin og erum fullviss um að samstarfið muni styrkja stöðu beggja félaga og skapa aukin tækifæri til vaxtar og þróunar til framtíðar.