Þinn árangur er okkar markmið
Góð fjármál skipta máli – í dag og til framtíðar. Við bjóðum upp á faglega og persónulega fjármálaráðgjöf sem miðar að því að styrkja stöðu þína og hjálpa þér að taka upplýstar ákvarðanir.
Góð fjármál skipta máli – í dag og til framtíðar. Við bjóðum upp á faglega og persónulega fjármálaráðgjöf sem miðar að því að styrkja stöðu þína og hjálpa þér að taka upplýstar ákvarðanir.
Hvort sem þú ert að stíga fyrstu skrefin í fjármálum, skipuleggja framtíðina eða leita leiða til að láta drauma rætast, viljum leggja okkar af mörkum til þess að þú náir árangri.
Þú velur þann tíma sem hentar þér best og bókar fund.
Markviss sparnaður er lykillinn að fjárhagslegu öryggi. Í sparnaðarráðgjöf skoðum við markmið þín, tímaramma og áhættuþol og mótum sparnaðarleið sem hentar þínum aðstæðum.
Fjármálaráðgjöf okkar veitir heildstæða sýn yfir fjármál þín. Reyndir ráðgjafar aðstoða við skipulag og ákvarðanatöku með það að markmiði að bæta fjárhagslega stöðu þína.
Góður lífeyrissparnaður skapar öryggi síðar á ævinni. Við hjálpum þér að taka upplýstar ákvarðanir svo þú getir notið áhyggjulauss eftirlaunaaldurs.
Kaup á íbúð eru ein stærsta fjárhagslega ákvörðun lífsins. Í íbúðlánaráðgjöf okkar förum við yfir greiðslugetu, lánamöguleika og kjör til að finna lausn sem hentar þér best.
Við veitum aðstandendum leiðsögn við uppgjör dánarbúa, fjármálaleg atriði og skipulag þannig að ferlið verði eins skýrt og einfalt og kostur er.
Erfiðari tímabil geta komið upp í fjármálum hvers og eins. Reyndir ráðgjafar vinna með þér að því að greina stöðuna og finna raunhæfar leiðir til að létta greiðslubyrði og endurheimta jafnvægi í fjármálum.
Við útgreiðslu lífeyrissparnaðar skipta tímasetning og fyrirkomulag miklu máli. Við veitum faglega ráðgjöf til þeirra sem greiða í Frjáls og Lífeyrisauka um skipulag útgreiðslna þannig að sparnaðurinn nýtist sem best og styðji við fjárhagslegt öryggi þitt.
Íslenska lífeyriskerfið getur verið svolítill frumskógur. Við hvetjum þó fólk til að bíta á jaxlinn og setja sig vel inn í lífeyrismálin, enda skiptir slík fyrirhyggja miklu varðandi þá möguleika sem okkur bjóðast við starfslok.
Það er mjög algengt að einstaklingum fallist hendur þegar kemur að því að fjárfesta og ýmsir standa í þeirri trú að það sé eingöngu sérmenntað fólk í fjárfestingum og fagfjárfestar sem geta fjárfest. Það er algengur misskilningur að ferlið sé gríðarlega flókið og ekki fyrir hvern sem er að stunda. Þetta er allt saman fjarri sanni því hver sem er getur tekið fyrstu skrefin í fjárfestingum og getur það verið vænlegur kostur fyrir þá sem vilja ávaxta sína fjármuni.
Þegar greiðslugetan hefur verið könnuð og útborgun tryggð þá er komið að því að finna draumaeignina. Það ferli getur tekið mislangan tíma en mikilvægt er að vanda valið og finna þá eign sem er með flesta þá eiginleika sem leitað er að.
Flestir eru með mjög skýrar hugmyndir um hvernig íbúð er leitað að og hvaða skilyrði hún þarf að uppfylla en það er gott að hafa það í huga að það þarf ekki að vera að íbúð finnist sem uppfyllir allar óskir. Við kaup á fyrstu fasteign þarf oft að forgangsraða eiginleikum og velja þá eign sem tikkar í flest boxin ef ekki finnst eign á réttu verði sem uppfyllir allt saman.
Það er aldrei of snemmt að byrja að spara og eins er gott að byrja að kynna börn fyrir sparnaði á yngri árum. Fyrstu skrefin í að kenna sparnað eru oftast tekin með því að fylla sparibauk og koma með hann í bankann og fá jafnvel glaðning með heim að launum.
Það síðasta sem fólk vill þurfa að hugsa um þegar dauðsfall verður í fjölskyldu eru fjármál sem þó er nauðsynlegt að gera fljótlega eftir andlátið. Það sem kemur oft hvað mest á óvart er hversu stífar reglur eru varðandi fjárhagslegar eignir og skyldur við andlát og hversu meitlað í stein ferlið er.
Það er erfitt að segja til um hvort það henti þér að leigja eða kaupa og þar ráða helst ferðinni þín fjárhagsstaða og þín fjárhagslegu markmið. Þú skalt reikna hvoru tveggja til enda áður en þú tekur ákvörðun. Ef stefnan er tekin á fasteignakaup eru nokkur mikilvæg atriði sem gott er að kynna sér og hafa á hreinu áður en af stað er farið.