Barnasparnaður
Það er aldrei of snemmt að byrja að spara og eins er gott að byrja að kynna börn fyrir sparnaði á yngri árum. Fyrstu skrefin í að kenna sparnað eru oftast tekin með því að fylla sparibauk og koma með hann í bankann og fá jafnvel glaðning með heim að launum.
Það getur þó verið erfitt fyrir börn að skilja hvert peningurinn fer og hvers vegna það er betra að geyma hann í bankanum en í bauknum inni í herbergi.
Fyrir foreldra er gott að huga að því snemma að stofna sparnaðarreikning fyrir börn en það er aldrei of snemmt að byrja að leggja fyrir og spara. Framtíðarreikningur Arion banka er sérstaklega hannaður fyrir sparnað frá fyrstu tíð og er innistæða hans bundin til 18 ára aldurs.
Þegar börnin verða eldri er mikilvægt að kenna þeim góð gildi þegar kemur að fjármálum og auka fjármálalæsi þeirra með því að veita þeim innsýn inn í sinn eigin sparnað og hvernig hann getur ávaxtast. Þannig er hægt að sýna þeim hvernig upphæðin hækkar þegar baukurinn er tæmdur og þannig vekja áhuga þeirra á því að spara til framtíðar.
Deila grein:
