Kynning á Markaðsdegi Arion 2024 innihélt m.a. umfjöllun um stefnu, helstu verkefni og starfsumhverfi bankans, áherslur í fjármögnun og eiginfjárskipan bankans, umfjöllun um lánshæfismat Arion banka, framvindu þróunarverkefna, fjárhagslegar horfur og uppfærð fjárhagsleg markmið.
Arion banki starfar samkvæmt skýrum fjárhagsmarkmiðum sem bankinn birtir opinberlega. Fjárhagsmarkmið bankans voru uppfærð á fyrsta ársfjórðungi 2024 og gilda til næstu þriggja ára.
Markmið | |
|---|---|
Arðsemi eigin fjár | Umfram 13% |
Kjarnatekjur / áhættugrunnur | Umfram 7,2% |
Hlutfall kostnaðar af kjarnatekjum | Minna en 45% |
Hlutfall almenns eiginfjárþáttar 1 | Stjórnendaauki sem nemur 1,5-2,5 prósentustigum |
Vöxtur tryggingatekna | Vöxtur verði umfram vöxt innlends tryggingamarkaðar |
Samsett hlutfall Varðar | Minna en 95% |
Arðgreiðslustefna* | 50% |
*Arðgreiðsluhlutfall í kringum 50% af hagnaði til hluthafa annað hvort með arðgreiðslum eða endurkaupum á hlutabréfum bankans eða hvorutveggja. Viðbótarútgreiðslur verða skoðaðar þegar eigið fé bankans er umfram kröfur eftirlitsaðila að viðbættum stjórnendaauka bankans.
Upplýsingar hér að framan eru eingöngu ætlaðar til upplýsinga og eru ekki ætlaðar sem grundvöllur fyrir ákvörðunum móttakanda. Upplýsingar um fjárhagsleg markmið og framtíðarsýn bankans byggist á ályktunum eða markaðsaðstæðum sem geta breyst fyrirvaralaus. Þær fela því ekki í sér loforð eða spá um framtíðina. Engin trygging er því fyrir því að markmiðið og framtíðarsýn gangi eftir. Arion banki ber ekki ábyrgð á upplýsingunum, forsendum eða niðurstöðum sem hér koma fram eða upplýsingar sem veittar eru í tengslum við þær. Arion banki skuldbindur sig ekki til að uppfæra upplýsingarnar á þessari síðu vegna atvika eða aðstæðna sem kunna að koma upp eftir birtingu þeirra, nema slíkt leiði af lögum eða reglum. Arion banki ber ekki ábyrgð á tjóni sem rekja má beint eða óbeint til notkunar á ofangreindum upplýsingum.