20.09.2024

Um yfir­töku­til­boð Langa­sjáv­ar til hlut­hafa Eikar fasteigna­félags

Langisjór ehf., eigandi 32,31% hlutafjár í Eik fasteignafélagi hf., hefur lagt fram yfirtökutilboð, á grundvelli tilboðsskyldu tilboðsgjafa samkvæmt 100. gr. laga nr. 108/2007 um yfirtökur, til hluthafa Eikar fasteignafélags hf. um kaup á hlutum þeirra í félaginu á kr. 11 á hlut.

Allar helstu upplýsingar um tilboðið má finna hér. Tilboðstímabil stendur frá kl. 09:00 þann 20. september 2024 til kl. 13:00 þann 18. október 2024.

Langisjór er móðurfélag fyrirtækja í framleiðslu og dreifingu á matvælum ásamt útleigu og uppbyggingu atvinnu- og íbúðarhúsnæðis. Meðal fyrirtækja í samstæðu Langasjávar eru Alma íbúðafélag, Brimgarðar, Mata, Matfugl, Salathúsið og Síld og fiskur. Hjá samstæðunni starfa í heildina um 450 manns.

Langisjór hefur umtalsverða reynslu af rekstri fasteignafélaga, fasteignaþróunarverkefna og rekstrarfélaga. Auk þess hefur félagið verið einn stærsti einkafjárfestir í Eik, Heimum og Reitum síðustu ár.

Langisjór hyggst, með framlagningu yfirtökutilboðsins, viðhalda skráningu hlutabréfa félagsins á Aðalmarkaði Nasdaq Iceland og beita sér fyrir ákveðnum ráðstöfunum í rekstri félagsins sem gert er grein fyrir tilboðsyfirliti sem hægt er að nálgast hér.

Hægt er að samþykkja tilboðið með tvennum hætti, með því að:

  • samþykkja tilboðið rafrænt á vef yfirtökutilboðsins hér. Hægt er að skrá sig inn á vefslóðina með rafrænum skilríkjum, eða

  • fylla út og undirrita samþykktareyðublað sem finna má hér og koma frumriti til Arion banka hf., Borgartúni 19, 105 Reykjavík, eigi síðar en kl. 13.00 þann 18. október 2024.

Arion banki hf. er umsjónaraðili yfirtökutilboðsins fyrir hönd Langasjávar ehf. Nánari upplýsingar eru veittar hjá Fyrirtækjaráðgjöf Arion banka hf. í gegnum tölvupóstfangið eik@arionbanki.is og í síma 444-7000.

Frétt þessi er útbúin í upplýsingaskyni og felur ekki í sér ráðgjöf af hálfu Langasjávar ehf. eða Arion banka hf. Tilboðshöfum er bent á að afla sér viðeigandi ráðgjafar sérfræðinga.

Deila grein:

facebookxmaillinkedin

Fleiri fréttir

Fréttayfirlit
20. nóvember 2026

Arion banki breyt­ir vöxtum óverðtryggðra íbúðalána með fasta vexti

Frá og með deginum í dag, 20. nóvember, lækka óverðtryggðir íbúðalánavextir, fastir til þriggja ára, um 0,40 prósentustig og verða 8,35%. Breytingin á aðeins við um ný lán.

Lesa meira
13. nóvember 2026

Truflun á tölvupóstþjónustu

Vegna tæknilegra truflana í þjónustu sem við nýtum hjá Microsoft eigum við í tímabundnum vandræðum með tölvupóstþjónustuna okkar. Truflanirnar kunna einnig að hafa áhrif á aðra þjónustu og kerfi.

Lesa meira
3. nóvember 2026

Arion banki ráðgjafi við sölu Fjarðarkaupa

Fyrirtækjaráðgjöf Arion banka hafði umsjón með söluferli Fjarðarkaupa fyrir hönd eigenda félagsins. Söluferlinu lauk með samningum um sölu á bæði verslunarrekstri Fjarðarkaupa til Samkaupa, dótturfélags Dranga hf., og fasteigninni að Hólshrauni 1 í Hafnarfirði, en kaupandi fasteignarinnar er fasteignafélagið Kaldalón hf. 

Lesa meira