Controlant lýkur 35 milljón dala fjár­mögnun

Controlant hefur lokið 35 milljón Bandaríkjadala fjármögnun, sem nemur 4,8 milljörðum íslenskra króna. Fjármögnuninni er ætlað að styðja við framtíðaráform félagsins og skiptist í 25 milljónir dala í formi nýs hlutafjár og 10 milljónir dala í lánsfjármögnun.

Fyrirtækjaráðgjöf Arion banka var ráðgjafi Controlant í fjármögnunarferlinu.

Um Controlant

Controlant er leiðandi í þróun á rauntíma vöktunarlausnum á sviði aðfangakeðju lyfja. Með hug- og vélbúnaði vaktar fyrirtækið nú þegar gríðarlegt magn lyfja í flutningum um heim allan og veitir stærstu lyfjarisum heims þjónustu. Controlant var stofnað árið 2007, og er með höfuðstöðvar á Íslandi auk starfstöðva í Bandaríkjunum, Danmörku, Hollandi og Póllandi.