10.000 kon­ur mætt á við­burði Kon­ur fjár­festum

„Í rúm tvö ár höfum við hjá Arion unnið skipulega að stóru samfélagslegu verkefni sem nefnist Konur fjárfestum. Markmiðið hefur verið skýrt: Að fjölga þeim konum sem taka þátt í fjárfestingum, efla þekkingu kvenna á fjármálum með áhugaverðri fræðslu og styðja konur í því að ná fjárhagslegu sjálfstæði.“ 

Svo hefst grein sem Iða Brá Benediktsdóttir, aðstoðarbankastjóri Arion banka, birti á Vísi þann 16. september síðastliðinn. Í greininni horfir Iða Brá í baksýnisspegilinn og fer yfir sögu Konur fjárfestum verkefnis Arion banka, sem staðið hefur yfir í rúm tvö ár. Á þeim tíma hafa rúmlega 10.000 konur sótt fræðslufundi átaksins og við sjáum helmingsfjölgun kvenna sem fjárfesta í sjóðum okkar.  

Við erum stolt af árangrinum sem náðst hefur og höldum ótrauð áfram veginn. Fyrstu tvö ár Konur fjárfestum okkar sýna að breytingar eru mögulegar.