Arion banki bak­hjarl Ein­víg­isins á Nes­inu

Góðgerðagolfmótið Einvígið á Nesinu fór fram á Nesvellinum í frábæru veðri á frídegi verslunarmanna. Þetta var í 30. skiptið sem mótið var haldið og eins og ávallt var það haldið til styrktar góðu málefni tengdu börnum. Styrkþegi í ár var Bergið sem er stuðnings- og ráðgjafasetur sem veitir ungu fólki einstaklingsmiðaða og gjaldfrjálsa ráðgjöf og stuðning á þeirra forsendum.

Þáttur um mótið verður sýndur á Sýn Sport í kvöld, 11. ágúst, klukkan 20:00.

Sigurvegari mótsins varð að lokum Tómas Eiríksson Hjaltested úr Golfklúbbi Reykjavíkur sem sigraði Guðrúnu Brá Björgvinsdóttur úr Golfklúbbnum Keili á 9. og síðustu holu.

Mótið er eins og áður sagði fyrst og fremst góðgerðarmót og afhentu þeir Þorsteinn Guðjónsson, formaður Nesklúbbsins, og Jóhann Möller frá Arion banka, Berginu ávísun að upphæð kr. 1.000.000.

Úrslit urðu eftirfarandi:

• 1. sæti: Tómas Eiríksson Hjaltested

• 2. sæti: Guðrún Brá Björgvinsdóttir

• 3. sæti: Gunnlaugur Árni Sveinsson

• 4. sæti: Perla Sól Sigurbrandsdóttir

• 5. sæti: Logi Sigurðsson

• 6. sæti: Aron Snær Júlíusson

• 7. sæti: Hlynur Bergsson

• 8. sæti: Dagbjartur Sigurbrandsson

• 9. sæti: Ragnhildur Kristinsdóttir

• 10. sæti: Skarphéðinn Egill Þórisson