Arion banki bak­hjarl Ice­land Geot­hermal ráð­stefn­unnar í Hörpu

Arion banki er einn af aðalbakhjörlum Iceland Geothermal ráðstefnunnar sem hefst á morgun, 27. apríl og stendur til föstudags. Það er Íslenski jarðvarmaklasinn sem stendur fyrir ráðstefnunni sem nú er haldin í þriðja sinn.

Áherslan í þetta sinn er á jákvæð áhrif nýtingu jarðvarma og verða fjölmargir fyrirlesarar með erindi á ráðstefnunni. Michael Porter, hagfræðingur og prófessor í Harvard Business School, verður einn af lykilfyrirlesurum en Porter hefur oft verið nefndur einn af áhrifamestu hugsuðum heims á sviði viðskipta. Auk hans verður A. Amin forseti International Renewable Agency og Rachel Kyte, formaður nefndar um sjálfbæra orku fyrir alla hjá Alþjóðabankanum með erindi. Þá munu Ásgeir Margeirsson, forstjóri HS Orku og Hörður Árnason, forstjóri Landsvirkjunar, fjalla um nýtingu jarðvarma.

Verndari ráðstefnunnar er Ólafur Ragnar Grímsson forseti og mun Lilja Alfreðsdóttir utanríkisráðherra opna ráðstefnuna. Gert er ráð fyrir á bilinu 800-1000 gestum á ráðstefnuna frá um það bil 40 löndum.

Hér má sjá kynningarmyndband fyrir ráðstefnuna: www.icelandgeothermal.is/events/igc-2016.