Arion banki birt­ir Áhrifa- og út­hlut­unar­skýrslu grænnar fjármögnun­ar

Arion banki hefur birt Áhrifa- og úthlutunarskýrslu fyrir græna fjármögnun bankans árið 2025. Í skýrslunni er að finna yfirlit yfir úthlutun fjármagns til verkefna sem uppfylla kröfur um græna fjármögnun samkvæmt sjálfbærri fjármálaumgjörð bankans og dregin eru fram jákvæð umhverfis- og loftslagsáhrif þeirra.

Skýrslan veitir yfirlit yfir helstu flokka sjálfbærrar fjármögnunar, stöðu grænna skuldabréfa og innlána í lok árs 2025. Í skýrslunni eru dregin fram áhugaverð dæmi um verkefni sem bankinn hefur fjármagnað til að sýna fram á þann metnað sem við vonumst til að ýta undir með útgáfu sjálfbærra fjármálagerninga.

Sjálfbær fjármálaumgjörð Arion banka var gefin út á árinu 2024 og byggir á grunni grænnar fjármálaumgjarðar bankans sem tekin var í notkun árið 2021. Á undanförnum árum hefur Arion banki verið virkur í útgáfu grænna skuldabréfa. Í lok árs 2025 voru fimm slíkar skuldabréfaútgáfur útistandandi, þar af tvær sem gefnar voru út á síðasta ári. Bankinn hefur byggt upp sterkt vöruúrval í tengslum við græna fjármögnun, þar á meðal græn húsnæðis- og bílalán, innlán og fyrirtækjalán.

Með útgáfu Áhrifa- og úthlutunarskýrslu 2025 undirstrikar Arion banki skuldbindingar sínar við gagnsæja og ábyrga upplýsingagjöf um nýtingu fjármagns. Markmið bankans er að auka hlut sjálfbærrar fjármögnunar í útlánasafni sínu og styðja þannig við loftslagsmarkmið Íslands og alþjóðlegar skuldbindingar um að draga úr losun gróðurhúsalofttegunda.