Arion banki er fyrir­mynd­ar­fyrir­tæki í góð­um stjórnar­hátt­um

Arion banki hlaut í gær viðurkenningu sem fyrirmyndarfyrirtæki í góðum stjórnarháttum. Iða Brá Benediktsdóttir, framkvæmdastjóri viðskiptabankasviðs Arion banka, veitti viðurkenningunni móttöku.

Það er Rannsóknamiðstöð um stjórnarhætti sem veitir viðurkenninguna en afhendingin er hluti af árlegri ráðstefnu miðstöðvarinnar. Tilgangur ráðstefnunnar er að vekja athygli á mikilvægi góðra stjórnarhátta, alþjóðlegum straumum og stefnum í stjórnarháttum og vinnu íslenskra stjórnarmanna við að efla stjórnarhætti.

Arion banki fékk viðurkenninguna fyrst í ársbyrjun 2016 að undangengnu formlegu mati sem unnið var á árinu 2015. Matið byggði á leiðbeiningum um stjórnarhætti fyrirtækja sem Viðskiptaráð Íslands, Samtök atvinnulífsins og Nasdaq Iceland gefa út. Úttektin á stjórnarháttum bankans gildir til þriggja ára og hefur Arion banki því hlotið viðurkenningu sem þessa árlega frá þeim tíma.

Um er að ræða mikilvæga staðfesting á því að bankinn ástundi góða stjórnarhætti sem er eitt af grunnstefjum stefnu bankans og samfélagsábyrgðar.