19.01.2016
Arion banki er fyrirmyndarfyrirtæki í góðum stjórnarháttum
Rannsóknarmiðstöð um stjórnarhætti veitti nýlega Arion banka viðurkenningu fyrir að vera Fyrirmyndarfyrirtæki í góðum stjórnarháttum. Það eru Viðskiptaráð Íslands, Samtök atvinnulífsins, Nasdaq OMX Iceland hf. og Rannsóknarmiðstöð um stjórnarhætti við Háskóla Íslands sem standa að baki viðurkenningarinnar. Er það mat Rannsóknarmiðstöðvarinnar að niðurstaða úttektar KPMG á stjórnarháttum Arion banka, sem unnin var í september 2015, gefi skýra mynd af stjórnarháttum fyrirtækisins og bendi til þess að fyrirtækið geti að mörgu leyti verið öðrum fyrirtækjum til fyrirmyndar þegar kemur að góðum stjórnarháttum.
Höskuldur H. Ólafsson:
,,Við höfum lagt ríka áherslu á vandaða stjórnarhætti innan Arion banka og er þessi viðurkenning ákveðin staðfesting á því að við erum að gera vel í þessum efnum. Við erum stolt af því að Rannsóknarmiðstöð um stjórnarhætti hafi veitt okkur þessa viðurkenningu.“
Deila grein:
