18.11.2025
Arion banki hélt tengslafund um sjálfbærni fyrir aðildarfélög Festu
Arion banki hélt morgunfund fyrir aðildarfélög Festu þann 13. nóvember í húsnæði bankans. Fundurinn hófst á kaffi og léttri morgunhressingu áður en dagskráin tók við klukkan 08.30 með óvæntri uppákomu sem kom öllum í gang.
Á fundinum var stiklað á stóru um sjálfbærnivegferð Arion banka þar sem Hlédís Sigurðardóttir, forstöðumaður sjálfbærni, fór yfir helstu skref og áherslur bankans í málaflokknum. Kristján Andrésson, forstöðumaður rekstrar- og sjálfbærniáhættu, fjallaði um mat og stýringu sjálfbærniáhættu og Snædís Ögn Flosadóttir, forstöðumaður á mörkuðum, kynnti verkefnið Konur fjárfestum og hvernig jafnréttismál hafa verið útvíkkuð í starfsemi bankans. Fundinum lauk með spurningum og spjalli þar sem þátttakendur tóku virkan þátt í umræðum.
Viðburðurinn var vel sóttur og skapaðist lifandi vettvangur fyrir samtal um sjálfbærni, áhættustýringu og jafnrétti.
Arion banki hefur verið aðili að Festu frá árinu 2013 og er í hópi fyrirtækja sem skipa það sem kallast Kjölfestur Festu.
Deila grein:
