Arion banki ráð­gjafi í 6,7 millj­arða króna hluta­fjáraukningu hjá Lax­ey

Laxey hefur lokið 46,7 milljóna evra hlutafjáraukningu, sem nemur um 6,7 milljörðum króna, til fjármögnunar áframhaldandi uppbyggingar Laxeyjar í Vestmannaeyjum. 

Frá stofnun hefur Laxey safnað um 29 milljörðum króna í hlutafé og hefur fyrirtækjaráðgjöf Arion banka unnið farsællega með félaginu á þeirri vegferð. 

Samhliða hlutafjáraukningunni hefur Laxey undirritað skuldbindandi skilmálaskjal vegna sambankaláns til endurfjármögnunar núverandi skulda og til að fjármagna næsta áfanga í uppbyggingu félagsins. Lánveitendur eru Arion banki, DNB Carnegie, Rabobank og Eksfin. 

Um leið og við þökkum Laxey fyrir gott samstarf óskum við félaginu hjartanlega til hamingju með þennan mikilvæga áfanga í sögu félagsins.