01.11.2017
Arion banki styður áfram við íslenskan handknattleik
Styrktarsamningur Arion banka við Handknattleikssamband Íslands (HSÍ) hefur verið endurnýjaður og bankinn verður því áfram bakhjarl íslensk handknattleiks. Það voru þeir Höskuldur H. Ólafsson, bankastjóri Arion banka, og Guðmundur B. Ólafsson, formaður HSÍ, sem undirrituðu samninginn í höfuðstöðvum Arion banka föstudaginn 27. október.
Höskuldur H. Ólafsson, bankastjóri Arion banka:
„Handboltahjartað hefur slegið sterkt hér í Arion banka um árabil og því afar ánægjulegt að bankinn skuli áfram vera bakhjarl HSÍ. Við í bankanum hlökkum til að standa við bakið á íslensku handboltafólki í öllum þeim spennandi verkefnum sem framundan eru.“
Strákarnir í karlalandsliðinu létu sjá sig við þetta tækifæri og stilltu sér upp á mynd ásamt starfsfólki Arion banka. Landsliðið hefur í nægu að snúast enda er undirbúningur í fullum gangi fyrir EM í Króatíu í janúar en í síðustu viku spiluðu strákarnir t.d. tvo vináttuleiki við Svía.
Deila grein:
