Arion banki til­nefnd­ur til þekk­ingar­verð­laun­anna 2018

Félag viðskipta- og hagfræðinga (FVH) stóð fyrir Þekkingardeginum nýverið. Á dagskránni voru ýmis áhugaverð erindi tengd þekkingu og verðmætum. Þekkingarverðlaunin 2018 voru afhent af forseta Íslands, en Arion banki, ásamt fyrirtækjunum HB Granda, Skaginn 3X og Vísir hf., var tilnefndur til verðlaunanna í ár. Það var Vísir hf. sem hlaut þekkingarverðlaunin í ár en verðlaunin hafa verið veitt frá árinu 2000. Óskum við þeim til hamingju með verðlaunin.

Þau fyrirtæki sem tilnefnd voru til verðlaunanna þóttu öll hafa sýnt yfirburði og mikinn árangur í þróun og innleiðingu stafrænna lausna með jákvæðum áhrifum á rekstur fyrirtækis, betri framleiðni og þjónustu. Fulltrúar fyrirtækjanna fjögurra kynntu það sem fyrirtækin hafa verið að gera á sviði stafrænna lausna og var það Iða Brá Benediktsdóttir, framkvæmdastjóri viðskiptabankasviðs, sem kynnti þær breytingar sem orðið hafa á bankaþjónustu og ræddi áherslu Arion banka á þægilega bankaþjónustu.