Arion bank­i, Vörður og Stefnir eru fyrir­mynd­ar­fyrir­tæki í góð­um stjórnar­hátt­um

Þann 23. ágúst sl. fengu Arion banki, Vörður og Stefnir endurnýjaða viðurkenningu fyrir góða stjórnarhætti og um leið nafnbótina Fyrirmyndarfyrirtæki í góðum stjórnarháttum. Viðurkenningarnar voru veittar við hátíðlega athöfn á Nauthóli að viðstöddum fulltrúum þeirra 18 fyrirtækja sem fengu viðkenninguna að þessu sinni. Það eru Stjórnvísi, Viðskiptaráð, Samtök atvinnulífsins og Nasdaq Iceland sem veita viðurkenningarnar.

Birna Hlín Káradóttir, framkvæmdastjóri rekstrar og menningar, og Haraldur Guðni Eiðsson, forstöðumaður samskiptasviðs, tóku við viðurkenningunni fyrir hönd Arion banka, Hrefna Ösp Sigfinnsdóttir, stjórnarmaður, fyrir hönd Stefnis og Guðbjörg Heiða Guðmundsdóttir, forstjóri, og Benedikt Olgeirsson, stjórnarformaður, fyrir hönd Varðar.