Bú­ist er við yf­ir 2.000 þátt­tak­end­um á Arion banka mót­inu í fót­bolta

Gera má ráð fyrir rúmlega 2.000 þátttakendum í yfir 400 liðum á Arion banka mótinu í fótbolta sem haldið verður um helgina, 11.-12. ágúst, á félagssvæði Víkings í Fossvogi. Er þetta í níunda sinn sem mótið er haldið.

Arion banka mótið er fyrir 7. og 8. flokk stúlkna og drengja og er stærsta mótið þar sem bæði kynin spila á sama tíma. Mótið stendur yfir frá kl. 9.00-17.00 á laugardag og frá kl. 9.00-15.00 á sunnudag. Keppt verður á 18 völlum og verður mótið í Sparilandsbúningi. Bíbí, Blaki og Ari verða á svæðinu og allir þátttakendur fá glæsilegan glaðning og verðlaunapening ásamt máltíð.

Búast má við miklum fjölda fólks og skemmtilegri stemningu í Víkinni í Fossvogi um helgina þegar ungir fótboltaiðkendur ásamt stuðningsfólki koma saman.