Endur­greiðsl­ur vegna Far­vel ehf.

Arion banki vill benda viðskiptavinum sínum á að ef greitt var fyrir ferð með Farvel ehf. með greiðslukorti útgefnu af bankanum þá geta viðskiptavinir fengið ferðina endurgreidda að fullu að uppfylltum ákveðnum skilyrðum.

Skilyrðin eru eftirfarandi:

• Þjónustuloforð Farvel var ekki uppfyllt, þ.e. ferðin var felld niður.

• Viðskiptavinur hefur gert kröfu um endurgreiðslu í gegnum þjónustugátt á vef Ferðamálastofu og skilað með kröfunni viðeigandi gögnum fyrir 8. mars 2020. Ferðamálastofa endurgreiðir aðeins hluta ferðarinnar.

• Innan 30 daga eftir að formlegt svar berst frá Ferðamálastofu þarf að óska eftir endurgreiðslu frá Arion banka á eftirstöðvum kortafærslunnar vegna kaupa á ferðinni.

  • Með endurkröfubeiðni til Arion banka þurfa að fylgja eftirfarandi gögn:
    - Útfyllt og undirritað endurkröfueyðublað sem er á vef bankans.
    - Ferðagögn frá Farvel (bókunarstaðfesting, farseðlar, kvittanir fyrir greiðslu, pakkasamningur o.s.frv.).
    - Formlegt svar frá Ferðamálastofu vegna óskar um endurgreiðslu.

Mikilvægt er að senda beiðni um endurkröfu til Arion banka sem fyrst eftir að formlegt svar fæst frá Ferðamálastofu til að tryggja að krafan falli ekki á tíma.

Ástæða þess að ekki er hægt að gera endurkröfu vegna greiðslu með greiðslukorti fyrr en formlegt svar liggur fyrir frá Ferðamálastofu er að aðeins er hægt að gera endurkröfu á þann hluta kortafærslunnar sem ekki fæst endurgreiddur í gegnum tryggingarfé Farvel hjá Ferðamálastofu.

Við hvetjum því alla sem eiga kröfu á Farvel að lýsa kröfu í gegnum þjónustugátt Ferðamálastofu fyrir 8. mars og hafa svo samband við Arion banka um leið og formlegt svar fæst frá Ferðamálastofu.

Hægt er að senda fyrirspurnir á arionbanki@arionbanki.is.