Ferða­manna­landið Ís­land: Mjúk lending eða maga­lending?

Greiningardeild Arion banka kynnti á fundi í Arion banka í morgun niðurstöður greiningar á ferðaþjónustunni undir yfirskriftinni Ferðamannalandið Ísland: Mjúk- eða magalending?

Meðal þess sem fram kom er að umsvif íslensku flugfélaganna hafa mikið að segja um þróun fjölda og samsetningu ferðamanna hér á landi. Eins og staðan er í dag eru flugfargjöld of ódýr og þau þurfa að hækka. Að öðru óbreyttu, til dæmis ef krónan helst áfram sterk, gæti hækkun flugfargjalda leitt til fækkunar ferðamanna.

Á fundinum kom jafnframt fram að gert er ráð fyrir lítilli fjölgun ferðamanna til landsins á næstu árum og í grunnsviðsmynd sem sett var fram fjölgar ferðamönnum um 1,4% á næsta ári og 2,4% árið 2020. Fjölgun hótelherbergja á höfuðborgarsvæðinu hefur ekki haldið í við fjölgun erlendra ferðamanna hingað til lands og svo virðist vera að við höfum ekki farið fram úr okkur í hóteluppbyggingu, enn sem komið er. Fyrir þjóðarbúið í heild sinni fer neysluhegðun ferðamanna að skipta meira máli þar sem ekki er hægt að treysta á tekjuvöxt í gegnum aukinn fjölda ferðamanna.

Glærur frá fundinum eru aðgengilegar hér.