Hægt að fjárfesta í er­lend­um vísi­tölu­sjóð­um í Arion app­inu

Nú er hægt að eiga viðskipti með erlenda vísitölusjóði beint í Arion appinu og netbankanum. Með þessari nýjung fæst greiður aðgangur að sjóðum sem starfa á alþjóðlegum hlutabréfamörkuðum og tækifæri til að dreifa áhættu í sparnaði með hagkvæmum og einföldum hætti.

Vísitölusjóðir eru verðbréfasjóðir sem fylgja tiltekinni vísitölu og hafa að geyma hlutabréf þeirra fyrirtækja sem mynda vísitöluna í sömu hlutföllum og vísitalan. Þannig stuðla vísitölusjóðir að meiri áhættudreifingu en þegar fjárfest er í einstökum hlutabréfum.

Vísitölusjóðirnir sem nú er hægt að eiga viðskipti með í Arion appinu og netbankanum eru fjórir og spanna vísitölur ólíkra markaðssvæða. Einn sjóðurinn er alþjóðlegur og fylgir heimsvísitölu hlutabréfa, hinir þrír taka fyrir ákveðin markaðssvæði heimsins; einn horfir eingöngu til stærstu skráðu fyrirtækja Bandaríkjanna, annar til evrópskra fyrirtækja og sá þriðji til nýmarkaðsríkja.

Viðskipti með sjóðina fara fram á sama hátt og önnur sjóðaviðskipti í Arion appinu og netbankanum. Einnig er hægt að fjárfesta í sjóðunum með reglulegum sparnaði.