Hagspá 2016-2019: Fljúgum ekki of ná­lægt sól­inni

Greiningardeild kynnti í morgun nýja hagspá fyrir árin 2016-2019. Í hagspánni er gert ráð fyrir kröftugum hagvexti í ár og á næsta ári, eða 4,7% og 5,2%, en að hægja taki á vextinum þegar fram í sækir. Sem fyrr verði hagvöxturinn drifinn áfram af einkaneyslu og fjárfestingu. Greiningardeildin gerir ráð fyrir því að einkaneyslan muni draga vagninn, studd áfram af háu atvinnustigi og kaupmáttaraukningu. Sviðsmyndargreining sýnir að áframhaldandi styrking krónunnar mun leiða til aukinnar innlendrar eftirspurnar, halla á viðskiptajöfnuði og minni hagvaxtar.

Krónan hefur styrkst um 15% á árinu, einkum á síðustu vikum. Að mati Greiningardeildar er krónan allt að 10% sterkari en staðist getur til lengri tíma. Þó eru sterkar vísbendingar um að krónan muni styrkjast áfram á næstu mánuðum, sem mun að öllum líkindum grafa undan gengi hennar síðar.

Hér má sjá kynningarnar frá því á fundinum:

Hagspá - Efnahagshorfur 2016-2019
Hagspá - Hversu sterk getur krónan orðið