30.06.2017
Kortatryggingar Arion banka færast til Varðar
Frá og með 1. júlí 2017 munu kortatryggingar Arion banka flytjast frá Vátryggingafélagi Íslands hf. (VÍS) til Varðar hf. Engin breyting verður á kortatryggingum eða skilmálum við þennan flutning.
Korthafar Arion banka njóta því tryggingaverndar hjá Verði frá og með 1. júlí 2017. Hægt er að nálgast skilmála og aðrar upplýsingar um kortatryggingar einstakra kortategunda á vef Varðar.
Lendi korthafar í tjóni á ferðalögum erlendis skal tilkynna það strax. Tjón sem verða frá og með 1. júlí skal tilkynna til Varðar í síma 5141000 eða á netfangið vordur@vordur.is. Tjón sem áttu sér stað fyrir 1. júlí skal tilkynna til VÍS, nánari upplýsingar má finna á vef VÍS. Komi upp alvarleg veikindi eða slys á ferðum erlendis skal líkt og áður hafa samband við SOS International neyðarþjónustuna í síma +(45) 70 10 5050.
Athugið að öll gildisákvæði haldast óbreytt, t.d. þurfa korthafar ekki að greiða ferðakostnað erlendis með kreditkorti Arion banka til að virkja tryggingar kortsins. Korthafi er tryggður á ferðalögum erlendis samkvæmt kortaskilmálum viðkomandi korts, eða í allt að 60 daga.
Deila grein:
