Kynning­ar­fund­ur um hlut­hafa­sam­komulag og kauprétt í sprota­fyrir­tækj­um

Föstudaginn 23. febrúar stendur Startup Reykjavík fyrir kynningarfundi í höfuðstöðvum Arion banka, Borgartúni 19. Á fundinum verður fjallað um hluthafasamkomulag, kauprétti og ráðningu nýrra starfsmanna í sprotafyrirtækjum sem allt eru viðfangsefni sem oft vefjast fyrir sprotafyrirtækjum. Fundurinn hefst kl. 12:00 og stendur til kl. 13:30.

Dagskrá fundarins:

• Á þitt fyrirtæki heima í Startup Reykjavík?
  Edda Konráðsdóttir frá Icelandic Startups

• Nýsköpunarlögin 2016
  Bergþóra Halldórsdóttir frá Samtökum atvinnulífsins

• Ráðgjöf um gerð kaupréttarsamninga
  Ásgeir Skorri Thoroddsen frá KPMG

• Notkun kaupréttarsamninga í sprotafyrirtæki
  Magnús Ingi Óskarsson frá Calidris

• Hluthafasamkomulag
  Einar Gunnar Guðmundsson frá Arion banka

Startup Reykajvík er viðskiptahraðall þar sem tíu sérvalin sprotafyrirtæki njóta ráðgjafar og leiðsagnar þaulreyndra sérfræðinga í tíu vikur í þeim tilgangi að hraða þróunarferlinu og koma vöru á markað.

Opið er fyrir umsóknir á startupreykjavik.is til og með 8. apríl. Hraðallinn hefst þann 11. júní og lýkur þann 17. ágúst. Óskað er eftir umsóknum frá öflugum teymum með nýjar lausnir á sviði tækni og skapandi greina, ætlaðar alþjóðamarkaði.

Startup Reykjavík er samstarfsverkefni Arion banka og Icelandic Startups.