Let´s talk about pensi­on funds – fræðsla um lífeyris­mál á ensku

Líflegar umræður sköpuðust á fundinum Let´s talk about pensioin funds sem Arion banki og Vera Center stóðu sameiginlega fyrir í Kringlunni í gærkvöldi. Fundurinn var sérstaklega ætlaður erlendu fólki sem starfar hér á landi og vill þekkja réttindi sín og skyldur í lífeyrismálum.

Á fundinum fór Sveinn Héðinsson, sérfræðingur í lífeyrismálum bankans, almennt yfir réttindi og skyldur launþega og atvinnurekenda og útskýrði hvernig skyldulífeyrir og séreignasparnaður virka.

Fundurinn í gær er annar viðburðurinn sem Arion banki og Vera Center standa sameiginlega fyrir en fyrr á árinu var haldinn fundur sem bar heitið Know your basic savings and financing options og þá var áherslan lögð á almenna fjármálafræðslu.

Vera Center er félag sem sérhæfir sig í þjónustu fyrir einstaklinga sem eru búsettir hér á landi og vilja fá hagnýtar upplýsingar um samfélagið. Allir viðburðir á vegum félagsins fara fram á ensku.