28.11.2023
Líður að lokum þjónustu okkar á Keflavíkurflugvelli
Nú liggur fyrir niðurstaða í útboði Isavia varðandi fjármálaþjónustu á Keflavíkurflugvelli næstu árin. Arion banki sendi inn metnaðarfullt tilboð varðandi áframhaldandi fjármálaþjónustu en niðurstaðan er sú að annar rekstraraðili varð hlutskarpari í útboðinu og mun því taka við fjármálaþjónustu á Keflavíkurflugvelli 1. febrúar næstkomandi.
Við erum stolt af þeirri starfsemi sem við höfum verið með á Keflavíkurflugvelli síðan 2016. Þjónusta okkar hefur einkennst af metnaði til að taka vel á móti öllum þeim sem fara um flugvöllinn og hefur starfsfólk okkar staðið sig frábærlega, á stundum við krefjandi aðstæður.
Við óskum nýjum rekstraraðila velfarnaðar í sínum störfum og þökkum fyrir okkur.
Deila grein:
