13.06.2017
Startup Reykjavík hófst í gær
Startup Reykjavík hófst í sjötta sinn mánudaginn 12. júní en að vanda höfðu tíu fyrirtæki af ólíkum toga verið valin til þátttöku þetta árið.
Nú taka við 10 vikur af mikilli vinnu fyrir þátttakendur. Fyrirtækjateymin munu hitta fjölda ráðgjafa sem rýna rekstur fyrirtækjanna til gagns og sitja hagnýta fyrirlestra með það að markmiði að treysta rekstrarundirstöður fyrirtækjanna.
Í sumar verða haldnir nokkrir opnir viðburðir þar sem gestir geta hitt teymin og kynnst starfsemi þeirra eða hlýtt á stutta fyrirlestra sem tengjast fyrirtækjarekstri. Til að missa ekki af tilkynningum um þá viðburði hvetjum við áhugasama til að fylgja Startup Reykjavik á Facebook.
Startup Reykjavík er staðsett á 3. hæð í Borgartúni 20. Þar er alltaf heitt á könnunni fyrir þau sem vilja líta við og kynnast því sem þar fer fram.
Frá því að Startup Reykjavík var fyrst haldið árið 2012 hefur Arion banki fjárfest í 60 sprotafyrirtækjum í gegnum dótturfélag sitt, Startup Reykjavik Invest.
Deila grein:
