Stórt skref í átt að raf­ræn­um þing­lýsingum

Undanfarna mánuði hefur átt sér stað þrotlaus vinna vegna innleiðingar rafrænna þinglýsinga í samstarfi við Sýslumannsembættin, Þjóðskrá og verkefnastofu um Stafrænt Ísland. Arion banki hefur í þessar vinnu byggt á þeirri miklu reynslu og þekkingu á stafrænum lausnum sem hefur byggst upp innan bankans á undanförnum árum. Það eru því gleðitíðindi þegar fyrsta skrefið var tekið í síðustu viku og rafræn aflýsing veðskjals fór fram. Var um að ræða aflýsingu fyrir viðskiptavin Arion banka.

Mikil eftirvænting hefur verið eftir rafrænum þinglýsingum frá því lög um rafrænar þinglýsingar voru samþykkt í árslok 2018. Rafrænar þinglýsingar munu bæta samvinnu banka og Sýslumannsembætta og gera þjónustu við viðskiptavini enn þægilegri og skjótari. En fyrir viðskiptavini okkar skiptir þetta ekki síst máli þegar kemur að veitingu íbúðalána þar sem þinglýsingar eru í dag sá hluti lánferlisins sem tekur hvað lengstan tíma. Verður um sannkallaða byltingu að ræða þegar rafrænar þinglýsingar og rafræn skuldabréf verða orðin að veruleika.