Styrk­ir til góðgerð­ar­félaga sem starfa í þágu barna

Nýlega átti starfsmannafélag Arion banka 80 ára afmæli og að því tilefni ákvað bankinn að leggja fram 25 þúsund krónur fyrir hvern starfsmann sem renna munu til góðgerðarmála sem tengjast velferð barna. Hver og einn starfsmaður fékk tækifæri til að velja félag.

Síðastliðinn föstudag var heldur betur ánægjulegt að fá í hús fulltrúa þeirra tíu góðgerðarsamtaka sem starfa í þágu barna og fengu hæstu styrkina í tilefni afmælisins. Alls fá 52 félög styrk að þessu tilefni.

Við vonum að þetta framtak eigi eftir að gleðja og að fjármunirnir muni nýtast til góðra verka.