The Ban­ker vel­ur Arion banka banka ársins 2022 á Ís­landi

Hið virta fjármálatímarit, The Banker, sem gefið er út af The Financial Times, hefur valið Arion banka sem banka ársins á Íslandi árið 2022.

Í rökstuðningi tímaritsins kemur fram að horft hafi verið til árangurs í rekstri og vaxtar bankans á síðustu árum. Einnig til áherslna bankans varðandi umhverfis- og félagsþætti sem og stjórnarhætti (UFS). The Banker tiltekur einnig nýjungar í þjónustu eins og Premíu þjónustu bankans þar sem þekking og reynsla á sviði eignastýringar og hefðbundinnar fjármálaþjónustu er nýtt til að styrkja þjónustu við umsvifamikla viðskiptavini.

Við valið á Arion banka var einnig höfð hliðsjón af umfangsmikilli starfsemi á sviði fyrirtækjaráðgjafar, en Arion banki kom að sex af átta skráningum í kauphallir á því tímabili sem The Banker horfir til. Einnig er tekið mið af tímamóta skuldabréfaútgáfu bankans en Arion banki var fyrsti íslenski bankinn til að gefa út sértryggð skuldabréf í evrum á alþjóðlegum lánsfjármörkuðum.