UT mess­an verður hald­in í Hörpu 3.-4. fe­brú­ar

Einn stærsti viðburður ársins í tölvugeiranum, UT messan, verður haldin í Hörpu dagana 3. og 4. febrúar næstkomandi.

Tómas Ingason forstöðumaður stafrænnar framtíðar hjá Arion banka verður með erindi á ráðstefnunni sem ber heitið ,,Creating the bank of tomorrow, 16 weeks at a time“. Í erindinu mun Tómast segja frá vegferð bankans við þróun stafrænna lausna og mótun banka framtíðarinnar.

Laugardaginn 4. febrúar er sýning á UT messunni sem er opin öllum og verður frítt inn. Gaman er fyrir fjölskyldur að kíkja á sýninguna en alls kyns fyrirtæki verða með kynningar, leiki og annað í boði. Arion banki verður með bás á svæðinu þar sem sýndar verða nýjustu stafrænu lausnir bankans sem viðskiptavinir geta nýtt sér hvar og hvenær sem þeim hentar.

Sjáumst á UT messunni á laugardaginn.